मुंबई- सोशल मीडियावर कमालीची सक्रीय असणाऱ्या अभिनेत्री हेमांगी कवी ला तिच्या इन्स्टाग्रामवरील एका व्हिडिओवरून ट्रोल करण्याचा प्रयत्न करण्यात आला होता. पण जशास तसं उत्तर देत अभिनेत्रीने नेटकऱ्यांची बोलती बंद केली होती. तिच्या या पोस्टवर अनेक सेलिब्रिटींनी तिला थेट पाठिंबाही दिला होता. आता अजून एका अभिनेत्रीने अंतर्वस्त्रावर आपलं परखड मत मांडलं आहे.

हॉलिवूड अभिनेत्री गिलियन अँडरसन ही अंतर्वस्त्र न घालण्यासाठी अधिक प्रसिद्ध आहे. गेल्या काही काळापासून तिने अंतर्वस्त्र घालणं सोडून दिलं आहे. नुकत्याच झालेल्या एका संवादात तिने या मागचं कारणही सांगितलं. सध्या तिच्या याच कारणाचा व्हिडिओ सोशल मीडियावर व्हायरल होत आहे. काहींनी तिला पाठिंबा दिला आहे तर अनेकांनी तिच्या अशा वागण्यावर प्रश्न उपस्थित केले आहेत.

अभिमानास्पद- ‘अंतवर्स्त्र घातली नाहीत का?’ असा प्रश्न विचारण्याआधी हेमांगी कवीची पोस्ट वाचा

अंतर्वस्त्र न घालण्याच्या निर्णयाबद्दल बोलताना गिलियन म्हणाली की, ‘मी खूप आळशी आहे आणि मला ब्रा घालायला आवडत नाही. यापुढेही मी कधीही ब्रा घालणार नाही. भले मग माझे स्तन बेंबीपर्यंत आले तरी चालतील पण मी ब्रा कधीच घालणार नाही.’

५२ वर्षीय गिलियन अँडरसन या एक ब्रिटीश- अमेरिकन अभिनेत्री आहेत. अमेरिकेतील शिकागो येथे ९ ऑगस्ट १९६८ रोजी त्यांचा जन्म झाला. त्यांनी आतापर्यंत ‘द हाउस ऑफ मिर्थ’, ‘द मायटी’, ‘द लास्ट किंग ऑफ स्कॉटलंड’, ‘द एक्स फाइल्स’ आणि ‘द एक्स फाइल्स: आय वॉण्ट टू बिलिव्ह’ अशा अनेक नावाजलेल्या आणि हिट सिनेमांमध्ये काम केलं आहे.