मुंबई– लोकप्रिय अभिनेत्री किम शर्मा प्रसिद्ध टेनिसपटू लिअँडर पेस याला डेट करत असल्याच्या चर्चा सोशल मीडियावर रंगल्या आहेत. लिअँडर आणि किम यांचे गोवा व्हेकेशनचे फोटोही सोशल मीडियावर प्रचंड वायरल झाले आहेत. त्यासोबतच लिअँडरचे आणखीही काही फोटो आहेत जे सोशल मीडियावर व्हायरल होत आहेत. लिअँडरच्या आयुष्यात अनेक चढ- उत्तर आले. आजपर्यंत लिअँडरने अनेक अभिनेत्रींना डेट केलं. परंतु, यात प्रसिद्ध बॉलिवूड अभिनेता संजय दत्त याची दुसरी पत्नी रिया पिल्लईचा देखील समावेश होता हे फार कमी जणांना ठाऊक असेल.

प्रविण तरडेमुळे कळणार बलुचिस्तानातील मराठ्यांची विजयगाथा

मिळालेल्या माहितीनुसार, लिअँडर रियाच्या आधी अभिनेत्री महिमा चौधरीला डेट करत होता. परंतु, रियाच्या येण्याने त्याच्यात दुरावा निर्माण झाला आणि रिया आणि लिअँडर एकमेकांच्या जवळ आले. त्यांच्यातील प्रेमाचे किस्से अनेक मासिकांमध्ये छापून येऊ लागले. लिअँडर आणि रिया यांच्या भेटीगाठी वाढत गेल्या आणि त्यांनी लग्न करायचा निर्णय घेतला. २००३ साली त्यांनी लिव्ह- इनमध्ये राहण्याचा निर्णय घेतला. रिया आधीपासूनच विवाहित होती. त्यानंतर २००८ साली संजयने रियाला घटस्फोट दिला. रिया आणि लिअँडर यांना आयना नावाची मुलगी देखील आहे. परंतु, जसे जसे दिवस गेले तसे या दोघांमधील वाद वाढत गेले. रियाच्या म्हणण्यानुसार, लिअँडर फार कमी वेळ घरी असायचा.

रियाने दिलेल्या मुलाखतींनुसार, लिअँडर वर्षातील १० महिने घराबाहेर असायचा. तो कुठे असायचा याबाबतीत कोणालाही माहिती नसायची. रिया तिचं घर स्वतः सांभाळत होती. आयनाला ब्रेन ट्युमर असल्याची बातमी समजल्यानंतर रियाची आर्थिक स्थिती आणखी वाईट होत गेली. रियाने कोर्टात धाव घेत लिअँडरकडे महिन्याला चार लाखांच्या पोटगीची मागणी केली. परंतु, लिअँडरने रियासोबत कधीही लग्न केलं नसल्याचं सांगत तिची मागणी धुडकावून लावली होती. रियाने ती गरोदर असल्याचं देखील लपवून ठेवल्याचं लिअँडरचं म्हणणं होतं. अखेरीस कोर्टाने लिअँडरला रियाला एक लाखाची पोटगी देण्याचे आदेश दिले होते.

श्रेयस तळपदे आणि प्रार्थना बेहेरे यांचं टीव्हीविश्वात पुनरागमन; झळकणार मुख्य भूमिकेत