मुंबई: ‘मोहब्बते’ फेम अभिनेत्री किम शर्मा सध्या तिच्या लव्ह लाइफमुळे सोशल मीडियावर चर्चेत आली आहे. किम शर्माचे गोव्यातील काही फोटो सोशल मीडियावर व्हायरल झाले आहेत. ज्यात ती दिग्गज टेनिस स्टार लिएंडर पेससोबत दिसत आहे. हे फोटो पाहता किम शर्मा आणि लिएंडर पेस एकमेकांना डेट करत असल्याचं लक्षात येतं. या नात्यावर दोघांनीही कोणताही प्रतिक्रिया दिलेली नसली तरीही त्यांचे फोटो खूप काही सांगून जातात. विशेष म्हणजे आता या दोघांच्या नात्यावर किम शर्माचा एक्स बॉयफ्रेंड हर्षवर्धन राणेनं प्रतिक्रिया दिली आहे.

सध्या सोशल मीडियावर लिएंडर पेस आणि किम शर्मा यांच्या या रोमँटिक फोटोशूटची जोरदार चर्चा होताना दिसत आहे. दोघंही गोव्यातील कोणत्यातरी रेस्तरांमध्ये असल्याचं या फोटोंवरून समजतंय. जेव्हा हे फोटो आणि किम- लिएंडरच्या नात्याबद्दल किमचा एक्स बॉयफ्रेंड हर्षवर्धन राणे याला विचारण्यात आलं तेव्हा तो म्हणाला, ‘मला याबाबत कोणतीही माहिती नाही. त्यामुळे या सगळ्यावर ते दोघंच प्रतिक्रिया देतील तर उत्तम ठरेल. पण जर हे खरं असेल तर हे दोघंही सध्याचं सर्वात हॉट कपल आहेत.’

हर्षवर्धन राणे आणि किम शर्मा हे मागची काही वर्ष एकमेकांना डेट करत होते. मागच्या वर्षीच दोघंही वेगळे झाले. अर्थात दोघांनीही आपलं नातं कधीच कबुल केलं नव्हतं पण सोशल मीडियावर मात्र एकमेकांसोबत फोटो शेअर केले होते. त्यामुळे त्यांचं ब्रेकअप कधी आणि कोणत्या कारणानं झालं हे समजू शकलं नाही.

दरम्यान लिएंडर पेस आणि किम शर्मा एकमेकांना कुठे आणि कधी भेटले याबाबतही कोणतीही माहिती मिळालेली नाही. त्यामुळे त्यांचे चाहते हैराण झाले आहे. दोघंही पहिल्यांदा एकमेकांना कधी भेटले, कसे भेटले आणि कुठे भेटले असे अनेक प्रश्न चाहत्यांच्या मनात आहेत. पण किमच्या आयुष्यात लिएंडरच्या एंट्रीमुळे तिचे चाहते मात्र खूश आहेत.