हायलाइट्स:
- गेल्या २४ तासांत राज्यात ८ हजार ०१० नवीन रुग्णांचे निदान झाले आहे.
- गेल्या २४ तासांमध्ये एकूण ७ हजार ३९१ करोना बाधित रुग्ण बरे होऊन घरी गेले आहेत.
- आज राज्यात एकूण १७० करोना बाधित रुग्णांचा मृत्यू झाला आहे.
आजच्या १७० करोना बाधित रुग्णांच्या मृत्यूबरोबरच राज्यातील मृत्यूदर २.०४ टक्क्यांवर सरकला आहे. याबरोबर राज्यात आतापर्यंत एकूण ५९ लाख ५२ हजार १९२ रुग्ण बरे झाले आहेत. यामुळे राज्यातील रुग्ण बरे होण्याचे प्रमाण ९६.१७ टक्के एवढे झाले आहे.
क्लिक करा आणि वाचा- मुंबई: धारावीत आज ५ नवे करोना रुग्ण, माहीममध्ये आढळले १० रुग्ण
सर्वाधिक सक्रिय रुग्ण पुणे जिल्ह्यात
राज्यातील अॅक्टिव्ह रुग्णांची संख्या १ लाख ०७ हजार २०५ इतकी झाली आहे. राज्यातील सक्रिय रुग्णांचा जिल्हानिहाय विचार करता पुणे जिल्ह्यात सक्रिय रुग्णांची संख्या सर्वाधिक आहे. पुणे जिल्ह्यात हा आकडा १७ हजार ४०१ इतका आहे. तर, पुण्याच्या खालोखाल ठाणे जिल्ह्यात एकूण १५ हजार ६५३ इतके रुग्ण आहेत. त्यानंतर कोल्हापुरात सक्रिय रुग्ण सर्वात जास्त आहेत. कोल्हापुरात ही संख्या ११ हजार ३६४ इतकी आहे. सांगलीत ही संख्या ११ हजार २४६, तर, मुंबई महापालिका हद्दीत सध्या १० हजार ९२५ रुग्णांवर उपचार सुरू आहेत. साताऱ्यात ही संख्या ७ हजार ७८३, रायगडमध्ये ३ हजार ५००, रत्नागिरीत ३ हजार २९९, सिंधुदुर्गात २ हजार ४४८, नाशिकमध्ये सक्रिय रुग्णांची संख्या ३ हजार ५०० इतकी आहे. तर नागपूर जिल्ह्यात ही संख्या २ हजार २९३ इतकी झाली आहे.
क्लिक करा आणि वाचा- स्वप्नील लोणकरच्या कुटुंबाला शिवसनेची १० लाख रुपयांची मदत, दिले ‘हे’ आश्वासन
यवतमाळमध्ये फक्त २३ सक्रिय रुग्ण
या बरोबरच, अहमदनगरमध्ये ४ हजार ३१९ रुग्णांवर उपचार सुरू आहेत. तर, औरंगाबादमध्ये ५२८, नांदेडमध्ये ही संख्या ४५३ इतकी आहे. जळगावमध्ये ५२१, तसेच अमरावतीत ही संख्या २०१ इतकी आहे. आज राज्यात सर्वात जास्त सक्रिय रुग्णांची संख्या पुणे जिल्ह्यात आहे. तर, सर्वात कमी सक्रिय रुग्णांची संख्या यवतमाळ जिल्ह्यात आहे. येथे सक्रिय रुग्णांची संख्या २३ इतकी आहे.
क्लिक करा आणि वाचा- खडसेंची अडचण वाढली; जावई गिरीश चौधरी यांच्या कोठडीत आणखी वाढ
५,८१,२६६ व्यक्ती होम क्वारंटाइन
आतापर्यंत तपासण्यात आलेल्या ४ कोटी ४८ लाख २४ हजार २११ प्रयोगशाळा नमुन्यांपैकी ६१ लाख ८९ हजार २५७ (१३.८१ टक्के) नमुने पॉझिटिव्ह आले आहेत. सध्या राज्यात ५ लाख ८१ हजार २६६ व्यक्ती होमक्वारंटाइनमध्ये आहेत. तर, ४ हजार ४७१ व्यक्ती संस्थात्मक क्वारंटाइनमध्ये आहेत.