मुंबई- बॉलिवूड अभिनेत्री शिल्पा शेट्टी चा नवरा आणि उद्योगपती राज कुंद्रा पॉर्नोग्राफी प्रकरणात पुरता अडकला आहे. त्याच्या व्हॉट्सअप चॅटसह पोलिसांनी त्याच्याविरूद्ध अनेक भक्कम पुरावे गोळा केले आहेत. आतापर्यंत झालेल्या पोलीस तपासणीत हे स्पष्ट झाले आहे की, रिपु सुदन बाळकृष्ण कुंद्रा म्हणजेच राज कुंद्रा अश्लील सिनेमे बनविणे, विक्री करणे आणि प्रसारित करण्याचे काम करत होता. पण पोलीस चौकशीत हेही कळले की त्याच्यावर कारवाई होऊ शकते याची राजला आधीपासूनच कल्पना होती. अशा परिस्थितीत हे टाळण्यासाठी त्याने एक जुगाडही केला होता. सोमवारी मुंबई गुन्हे शाखेने राज कुंद्राला अटक केली, त्यानंतर मंगळवारी न्यायालयाने त्याला २३ जुलैपर्यंत पोलीस कोठडी सुनावली.

राज कुंद्राच्या चॅटवरून धक्कादायक खुलासा, अॅपमधून दिवसाला व्हायची लाखोंची कमाई

यूकेमधील नातेवाईकांच्या कंपनीला अॅप विकला

मंगळवारी किला कोर्टाच्या आदेशानंतर मुंबई पोलिसांनी सांगितले की, ४५ वर्षीय राज कुंद्राने आपले ‘हॉटशॉट्स’ अॅप यूकेतील कंपनी केनरिन प्रायव्हेट लिमिटेडला विकले होते. विशेष म्हणजे या कंपनीची मालकी राज यांचा नातेवाईक प्रदीप बक्षी याच्याकडे आहे. प्रदीपही या घोटाळ्यामध्ये त्याचा भागीदारदेखील आहे. केनरिन प्रायव्हेट लिमिटेड ही लंडनची एक कंपनी आहे. तर ‘हॉटशॉट्स’ विकल्यानंतरही राज कुंद्रा मुंबईहूनच आपला सर्व व्यवसाय करत होता.

पोलिसांनी आतापर्यंत ११ जणांना केली अटक

पॉर्नोग्राफी प्रकरणात आतापर्यंत ११ जणांना मुंबई पोलिसांनी अटक केली आहे. यापैकी राज कुंद्रा आणि त्याचा आयटी हेड रायन थार्प यांना नुकतेच पोलिसांनी अटक केली. या प्रकरणात, फेब्रुवारी महिन्यात पाचजणांना अटक करण्यात आली होती. या पाचहीजणांना मढ आयलंड येथील बंगल्यात अश्लील सिनेमाच्या शूटिंग दरम्यान अटक करण्यात आली होती.

राज कुंद्राची नेमकी संपत्ती आहे तरी किती? अटकेनंतर कपिल शर्मासोबतचा व्हिडीओ व्हायरल

१८ लाख रुपयांमध्ये करण्यात आली ‘हॉटशॉट्स’ अ‍ॅपची डील

पोलिसांनी त्यांच्या निवेदनात म्हटले आहे की, राज कुंद्रा ‘हॉटशॉट्स’अॅपच्या माध्यमातून अश्लील सिनेमे बनवणे आणि ते विकणे या व्यवसायात तो सामील होता. हा अ‍ॅप मोबाइल प्लॅटफॉर्मवरून काढून टाकण्यात आला. राजने त्याच्या वियान इंडस्ट्रीज या मुंबईतील कार्यालयातून यूकेला अश्लील व्हिडिओ पाठवले. सामग्री पुरविली. कुंद्रा यांने पोलिसांना हेही सांगितले की, २०१९ मध्ये त्याने जवळपास 18 लाख रुपयांना हे अॅप विकले होते.

पोलिसांनी सांगितले- आमच्याकडे आहेत पुरावे

राज कुंद्राविरूद्ध पुरावे असल्याचे पोलिसांनी सांगितले. त्यांना राज कुंद्रा यांच्या ऑफिसमधून अनेक क्लिप्स मिळाल्या. दुसरीकडे राज कुंद्रा चे वकील आबाद पोंडा आणि सुभाष जाधव यांनी आरोप केला आहे की पोलिसांनी बेकायदेशीर पद्धतीने राजला अटक केली. पोलिसांनी फौजदारी प्रक्रियेच्या संहितेअंतर्गत कार्यवाही केली नाही.

राज कुंद्राच्या बहिणीचा नवराही या प्रकरणात…मुंबई पोलिसांचा मोठा खुलासा