मुंबई:राज कुंद्रा पॉर्नोग्राफी केसमधील फरार आरोपीच्या दाव्यान आता पोलिसांच्या भूमिकेवरही प्रश्नचिन्ह उपस्थित केलं आहे. राज कुंद्राला १९ फेब्रुवारी दिवशी रात्री ९ वाजता अटक करण्यात आली. त्यानंतर न्यायालयानं त्याला २३ जुलैपर्यंत पोलीस कोठडी सुनावली आहे. पण या प्रकरणातील फरार आरोपी यश ठाकूरचा दावा आहे की, पोलीस राज कुंद्राला याआधीच अटक करू शकत होते पण ही अटक टाळण्यासाठी राज कुंद्रानं क्राइम ब्रांच अधिकाऱ्यांना २५ लाख रुपयांची लाच दिली होती. एवढंच नाही तर पोलिसांनी आपल्याकडेही पैसे मागितल्याचं यशनं म्हटलं आहे.

राज कुंद्राने सांगितलं सत्य- रोजची लाखोंची उलाढाल, अशा पद्धतीने खासगी खात्यात जायचा पैसा

आरोपी यश ठाकूरचा दावा आहे की, त्यानं याबाबत याच वर्षी मार्च महिन्यात महाराष्ट्र अँटी करप्शन ब्यूरोला ई-मेल करून तक्रार केली होती. या ई-मेलमध्ये यश ठाकूरनं दावा केला आहे की, क्राइम ब्रांचच्या अधिकाऱ्यांनी राज कुंद्राकडून २५ लाख रुपयांची लाच घेतली होती आणि आपल्याकडेही पैशांची मागणी केली होती. अँटी करप्शन ब्यूरोनं हा ई-मेल एप्रिल महिन्यात मुंबई पोलिस कमिशनरला फॉरवर्ड केला होता आणि या प्रकरणाचा तपास करण्याची मागणी केली होती. विशेष म्हणजे यश ठाकूरच्या विरोधातही पॉर्न फिल्म प्रकरणी तक्रार दाखल करण्यात आली असून तो सध्या फरार आहे. दरम्यान पोलिसांकडून याबाबत कोणतीही प्रतिक्रिया मिळालेली नाही.

यश ठाकूर हा एका यूएस बेस्ड फर्मचा मालक असल्याचं बोललं जातंय. तो Fliz Movies चा मालक आहे. या कंपनी मार्फत मॉडेल्स आणि अभिनेत्रींकडून वेब सीरिज आणि शोच्या नावावर कॉन्ट्रॅक्ट साइन केलं जात असे. या फर्मचं नाव पूर्वी Neufliks असं होतं. राज कुंद्राची कंपनी ज्या पॉर्न फिल्म तयार करत असे त्या फिल्म यश ठाकूरची कंपनी वेबसाइटवर अपलोड करत असे. दरम्यान क्राइम ब्रांचनं कारवाई करताना यश ठाकूरच्या अकाउंटमधून ४.५ कोटी रुपये सीज केले आहेत.

राज कुंद्राने पोलिसांपासून वाचण्यासाठी केलेला मोठा ‘जुगाड’, मिळाले पुरावे

दरम्यान पॉर्नोग्राफी प्रकरणात क्राइम ब्रांचनं राज कुंद्रा आणि त्याचा आयटी हेड रायन थार्पासह ११ लोकांना अटक केली आहे. यात सर्वत पहिली अटक फेब्रुवारी महिन्यात झाली होती. जेव्हा मड आयलँड येथील एक बंगल्यावर पोलीसांनी छापा मारला होता. त्यावेळी ५ लोकांना अटक करण्यात आली होती. ज्यात अभिनेत्री गहना वशिष्ठ हिचंही नाव होतं. गहनाच्या अटकेनंतर न्यायालयात इतर आरोपींची एक यादी देण्यात आली होती या यादीत यश ठाकूरचं नाव होतं. त्याच्या विरोधात मध्यप्रदेश माधवगंज पोलीस ठाण्यात २०२० साली आयपीसी कलम ३५४ डी, ३४१, २९४ आणि ५०६ नुसार एफआयआर दाखल करण्यात आली आहे.

दरम्यान यश ठाकूर त्याचा सर्व पेमेंट ऑनलाइन करत असे. पण सध्या तो फरार असल्यानं पोलिस त्याच्या ऑनलाइन ट्रान्झॅक्शनच्या मदतीनं त्याचं लोकेशन ट्रेस करण्याचा प्रयत्न करत आहे. तसेच यश ठाकूर हे आरोपीचं खरं नाव नसल्याचा संशयही पोलिसांना आहे.