कांदिवलीत बनावट लसीकरण प्रकरण उघडकीस आल्यानंतर त्याबाबत गुन्हा दाखल होऊन पोलिसांनी चौकशी सुरू केली. त्याचे धागेदोरे हाती आल्यानंतर एकूण नऊ ठिकाणी बनावट लसीकरण झाल्याचे उघड झाले. बनावट लस घेतलेल्या रहिवाशांना बनावट प्रमाणपत्रही देण्यात आले. त्यासोबत काहींची कोविन पोर्टलवर नोंद झाल्याचेही आढळून आले आहे. त्याचीही पोलिसांकडून चौकशी करण्यात आली आहे.

इतरांनाही लस लवकरच

पोलिसांनी बनावट लसीकरण झालेल्यांची यादी पालिकेकडे दिली आहे. पालिकेकडून कोविन वेबसाइटवर मोबाइल क्रमांकाच्या आधारे नोंदी झालेल्या या व्यक्तींची माहिती पालिकेकडून पडताळली जात आहे. त्यानंतर बनावट लस दिलेल्यांना लवकरच लस देण्यात येणार आहे.