मुंबई- बॉलिवूचा लाडका अभिनेता रणवीर सिंगला भारतीय क्रिकेट संघाचा माजी कर्णधार महेंद्र सिंह धोनी सोबत मुंबईतील फुटबॉल क्लब स्टेडिअममध्ये खेळताना दिसला. सामन्या दरम्यान दोन्ही सेलिब्रिटी एकमेकांसोबत चांगला वेळ घालवताना दिसले. दोघांमधलं बॉण्डिंग हे चर्चेचा विषय होतं. हा क्लब चांगल्या कामांसाठी चॅरिटी मॅच खेळतात. यातून जमा झालेले पैसे ते गोळा करून त्याचा सदूपयोग करतात. रविवारी सराव सामन्यानंतर रणवीर धोनीला मिठी मारताना दिसला. दोघंही एकाच संघातून खेळत होते, तर सैफ अली खानचा मुलगा इब्राहिम अली खान विरोधी संघात होता.

रणवीर आणि धोनीची केमिस्ट्री

सामन्या दरम्यान रणवीर आणि धोनीच्या केमिस्ट्रीने सगळ्यांचं मन जिंकून घेतलं. फोटोंत इतरांप्रमाणे या दोघांनीही नियन ग्रीन रंगाची जर्सी घातली होती. रणवीरच्या पोनीटेलनेही सर्वांचं लक्ष वेधून घेतलं. रणवीरने आपल्या इन्स्टाग्राम स्टोरीमध्येही काही फोटो शेअर करत लिहिले की, ‘कायमच मोठ्या भावाच्या चरणांमध्ये’

धोनी आहे फुटबॉलचा मोठा चाहता

धोनी स्वतः फुटबॉल या खेळाचा मोठा चाहता आहे. धोनीचं या खेळासाठीचं प्रेम सांगायचं झालं तर इंडियन सुपर लीगमध्ये अभिनेता अभिषेक बच्चनसोबत त्याचा एक फुटबॉल संघ आहे. या संघाचं नाव Chennaiyin Football Club/Chennaiyin FC आहे.

आता ‘८३’ मध्ये दिसेल रणवीर

रणवीर लवकरच ‘८३’ सिनेमात एक क्रिकेटपटू म्हणून सर्वांसमोर येणार आहे. या सिनेमात तो कपिल देव यांची भूमिका साकारताना दिसणार आहे. दिग्दर्शक कबीर खानचा हा सिनेमा १९८३ मध्ये जिंकलेल्या वर्ल्ड कपवर आधारित आहे. दीपिका पादुकोणदेखील या सिनेमाचा एक भाग आहे.