मुंबई : अभिनेत्री शिल्पा शेट्टी आणि तिचा नवरा राज कुंद्रा यांच्या समोरील अडचणी दिवसागणिक वाढत चालल्या आहेत. पॉर्न फिल्म तयार करण्याच्या रॅकेट चालवण्यामध्ये राज हा प्रमुख सुत्रधार असल्याचे पोलीस तपासात समोर आले आहे. आता मुंबई क्राईम ब्राँचच्या अधिकाऱ्यांना तपासामध्ये राज आणि शिल्पा यांच्या खात्याची माहिती हाती लागली आहे. हे अकाउंट पंजाब नॅशनल बँकेत आहे.

राज कुंद्राला पॉर्नोग्राफीमधून मिळणारा सर्व पैसा या खात्यात जमा होत असल्याचा संशय व्यक्त केला जात आहे. या बँकेतील खात्यामधून कोट्यवधी रुपयांचे व्यवहार झाले आहेत. त्यामुळे या खात्यामध्ये हॉटशॉट्स अॅप आणि बॉलीफेम अॅपमधून होणारी कमाई या खात्यामध्ये जमा होत असल्याचा संशय पोलिसांना आहे.

Explainer- Erotic आणि Porn Film मध्ये काय फरक असतो, यातच अडकली आहे राज कुंद्राची Pornography Case

पीएनबीमध्ये राज आणि शिल्पाचे जॉईंट खाते

पंजाब नॅशनल बँकेमध्ये राज आणि शिल्पा यांचे एकत्रित खाते असल्याचे पोलिसांच्या तपासात समोर आले आहे. पोलिसांनी अधिक चौकशी केली असता या खात्यामध्ये थेट व्यवहार होत नव्हते तर वेगवेगळ्या खात्यांमधून या दोघांच्या एकत्र असलेल्या खात्याध्ये पैसे जमा व्हायचे. क्राईम ब्राँचच्या अधिकाऱ्यांनी दिलेल्या माहितीनुसार देवाण- घेवाण, लेयरिंग, इंटीग्रेशन यासारखे व्यवहार या खात्यायत केले आहेत.

पंजाब नॅशनल बँकेमध्ये राज कुंद्राचे वैयक्तिक खातेही आहे. परंतु त्या खात्यामध्ये २०१६ पासून कोणतेही व्यवहार झालेले नाहीत. इतकेच नाही तर त्या खात्यामध्ये जी आवश्यक असलेली किमान रक्कम लागते ती देखील त्यात नाही. राज कुंद्राच्या या बँकेचा तपास क्राईम ब्राँचचे चार अधिकारी करत आहेत.

शिल्पा शेट्टी देखील संशयाच्या फेऱ्यात

दरम्यान, तीन दिवासंपूर्वीच क्राईम ब्राँचचे अधिकारी राज कुंद्राला घेऊन जुहू येथील त्याच्या घरी गेले होते. त्यावेळी त्याची बायको शिल्पा शेट्टी ची सहा तास कसून चौकशी करण्यात आली. यावेळी या दोघांना समोरा समोर बसवूनही काही प्रश्न विचारण्यात आले. या चौकशीवेळी राजच्या पॉर्नोग्राफी फिल्म निर्मितीबाबत आपल्याला काहीच माहिती नसल्याचे शिल्पाने पोलिसांना सांगितले.

तीन व्हॉट्सअ‍ॅप ग्रुपमधून राज कुंद्रा चालवत होता पॉर्न फिल्मचा बिझनेस, असं केलं जायचं काम

आता या दोघांच्या नावाने संयुक्त खाते असल्याचे समोर आल्यानंतर पुन्हा एकदा शिल्पा संशयाच्या फेऱ्यात अडकली आहे. जर तिच्या म्हणण्याप्रमाणे राजच्या पॉर्नोग्राफीची तिली माहिती नाही तर मग त्यांच्या संयुक्त खात्यामध्ये कोट्यवधी रुपयांचा व्यवहार कसा होत होता. त्याबद्दल तिने कधी जाणून घेण्याचा प्रयत्न केला नाही का? आता पोलिसांनी केलेल्या तपासामध्ये या खात्यामध्ये हॉटशॉट्स अॅप आणि बॉलीफेम अॅपद्वारे होणारी कमाई जमा होत असल्याचे सिद्ध झाले तर शिल्पा शेट्टीच्या अडचणींमध्ये वाढ होणार हे नक्की.

हे प्रकरण ईडीकडे जाण्याची शक्यता

आता राज आणि शिल्पा यांच्या या खात्याची चौकशी ईडीकडे जाण्याची शक्यता आहे. या खात्यामध्ये भारत आणि ब्रिटिनमधून पैशांचा व्यवहार झालेला आहे. त्यामुळे पॉर्नोग्राफीमधून मिळालेला पैसा ऑनलाइन बेटिंगसाठी वापरला गेलेला असण्याचा संशय आहे. ईडीच्या सुत्रांनी दिलेल्या माहितीनुसार राज कुंद्राला परदेशी चलन विनिमय कायदा अर्थात ‘फेमा’ अंतर्गंत समन्स पाठवले जाऊ शकते. तसेच याप्रकरणी कंपनीच्या अन्य संचालकांचीही चौकशी होऊ शकते. त्यामुळे शिल्पा शेट्टीचीही ईडीकडून चौकशी होण्याची शक्यता आहे.