नुकतंच एका वृत्तवाहिनीला दिलेल्या मुलाखतीत मुकेश खन्ना म्हणाले, ‘जनता ही जनता असते. मीडिया जेवढं दाखवणार तेवढंच त्यांना माहीत असतं. एकेकाळी रेडिओवर बातम्या ऐकू येत असत. आता हेच काम वृत्तवाहिन्या करतात. पण या प्रकरणाबाबत मला आनंद या गोष्टीचा आहे की, अखेर हा मुद्दा हे प्रकरण समोर आलं.’
मुकेश खन्ना पुढे म्हणाले, ‘आता बॉलिवूडकर हॉलिवूडचं अनुकरण करताना दिसत आहेत. त्याचेच हे सर्व परिणाम आहेत. ते दोघं पती-पत्नी आहेत आणि मला त्यांच्यात बोलण्याचा काहीच अधिकार नाही. त्यांचं नातं कसं आहे मला माहीत नाही. मी काही दिवसांपूर्वीच म्हटलं होतं की आपली इंडस्ट्री हॉलिवूडचं अनुकरण करते. त्यांच्याकडे लग्न कमी आणि घटस्फोट जास्त होताना दिसतात. जे आता बॉलिवूडमध्येही दिसू लागलंय. अशात राज कुंद्रा जे काही काम करत होता त्याबद्दल शिल्पा शेट्टीला १२० टक्के कल्पना होती. ती याला जबाबदार आहे असं मी म्हणणार नाही. पण जर तिची यात काही चूक नसेल तर तिनं आपल्या पतीच्या विरोधात बोलण्याची हिंमत दाखवायला हवी. कारण जर ती बोलली तर हे सर्व बंद होऊ शकतं.’
WhatsApp 