मुंबईः मुंबईत इमारत दुर्घटनांचे सत्र अद्याप सुरूच आहे. मागील आठवड्यात गोवंडीत इमारतीचा भाग कोसळून मोठी दुर्घटना घडली होती. ही घटना ताजी असतानाच अंधेरीत बांधकाम सुरू असलेली इमारत घरांवर कोसळली आहे. या दुर्घटनेत पाच जण गंभीर जखमी आहेत. (building collapse in andheri)

अंधेरी पश्चिममधील जुहू गल्ली परिसरातील मेहता बाबा चाळ ही चार मजली इमारत कोसळली. मंगळवारी रात्री १२.३०च्या सुमारास ही दुर्घटना घडली आहे. बांधकाम सुरू असलेली ही इमारत बाजूला लागून असलेल्या घरांवर कोसळली होती. या दुर्घटनेत पाच जण गंभीर जखमी झाले असून त्यांना कुपर रुग्णालयात उपचारांसाठी दाखल करण्यात आलं आहे.

वाचाः शिल्पा शेट्टीला क्लिन चिट नाहीच; पोलिसांच्या हाती लागली महत्त्वाची माहिती

अकबर शेख (६०), चांद शेख (३४), अरिफ शेख (१७) आणि अजरा शेख (१८) हे गंभीर जखमी झाले असून त्यांच्यावर रुग्णालयात उपचार सुरू आहेत. तर, समशुद्दीन शेख (५०) यांना उपचारांनंतर रुग्णालयातून घरी सोडण्यात आलं आहे.

वाचाः घरात शौचालयांसाठी आग्रह; भाडेकरू संघटनेचे मुख्यमंत्र्यांना पत्र

घटनेची माहिती मिळताच अग्निशमन दलाच्या जवानांनी घटनास्थळी धाव घेतली. मलबा बाजूला करुन जखमींना तातडीने रुग्णालयात दाखल केले. सुदैवानं या दुर्घटनेत जिवितहानी झाली आहे.

वाचाः जगण्यासाठी लोकलमुभा द्या; डबेवाल्यांची सरकारकडे मागणी