राष्ट्रीय संघासाठी मेस्सी कोणतेही विजेतेपद जिंकू शकला नाही, अशी टीका अनेक वर्षांपासून होत होती. आज त्याला मेस्सीने पूर्णविराम दिला आहे. दक्षिण अमेरिकेतील या स्पर्धेचं जेतेपद अर्जेंटिनासाठी दिलासादायक गोष्ट ठरली आहे. जेव्हा मेस्सी 6 वर्षांचा होता, तेव्हा अर्जेंटिनाने कोपा अमेरिकेचं जेतेपद जिंकलं होतं. शनिवारी जिंकलेलं कोपा अमेरिकेचं जेतेपद अर्जेंटिनासाठी 15 वं जेतेपद ठरलं आहे. या जेतेपदासह अर्जेंटिनाने उरुग्वेशी बरोबरी केली आहे. ब्राझीलने 9 वेळा जेतेपद जिंकलं आहे.