हायलाइट्स:
- गेल्या २४ तासांत राज्यात १० हजार ६९७ नवीन रुग्णांचे निदान झाले आहे.
- गेल्या २४ तासांमध्ये एकूण १४ हजार ९१० करोना बाधित रुग्ण बरे होऊन घरी गेले आहेत.
- आज राज्यात एकूण ३६० करोना बाधित रुग्णांचा मृत्यू झाला आहे.
आजच्या ३६० करोना बाधित रुग्णांच्या मृत्यूबरोबरच राज्यातील मृत्यूदर १.८४ टक्के इतका आहे. याबरोबर राज्यात आतापर्यंत एकूण ५६ लाख ३१ हजार ७६७ रुग्ण बरे झाले आहेत. यामुळे राज्यातील रुग्ण बरे होण्याचे प्रमाण ९५.४८ टक्क्यांवर पोहोचले आहे.
बुलडाण्यात सर्वात कमी सक्रिय रुग्ण
राज्यातील अॅक्टिव्ह रुग्णांची संख्या १ लाख ५५ हजार ४७४ इतकी झाली आहे. राज्यातील सक्रिय रुग्णांचा जिल्हानिहाय विचार करता पुणे जिल्ह्यात सक्रिय रुग्णांची संख्या सर्वाधिक असली तरी तीत घटही होताना दिसत आहे. पुण्यात एकूण १८ हजार ३५० इतके रुग्ण आहेत. मुंबई पालिका हद्दीत हा आकडा १८ हजार ०६५ इतका आहे. ठाणे जिल्ह्यात सध्या १५ हजार ८०१ रुग्णांवर उपचार सुरू आहेत. तर कोल्हापुरात सक्रिय रुग्णांची संख्या १६ हजार ५२० इतकी आहे. नागपूर जिल्ह्यात ही संख्या ६ हजार ६२७ इतकी झाली आहे. नाशिकमध्ये सक्रिय रुग्णांची संख्या ४ हजार ७८१ इतकी आहे.
क्लिक करा आणि वाचा- कितीही रणनीती आखा, २०२४ मध्ये मोदीच येणार; पवार- प्रशांत किशोर भेटीवर फडणवीसांचे वक्तव्य
या बरोबरच अहमदनगरमध्ये ५ हजार १८७ इतकी आहे. औरंगाबादमध्ये १ हजार ८१८, नांदेडमध्ये ही संख्या १ हजार ४४१ इतकी आहे. जळगावमध्ये ३ हजार ००६, तसेच तर रायगडमध्ये एकूण ४ हजार ८९३ इतके सक्रिय रुग्ण आहेत. अमरावतीत ही संख्या २ हजार १३३, तर, राज्यात सर्वात जास्त सक्रिय रुग्णांची संख्या पुण्यात आहे. तर, सर्वात कमी सक्रिय रुग्णांची संख्या बुलडाणा जिल्ह्यात आहे. येथे सक्रिय रुग्णांची संख्या ४३ इतकी आहे.
क्लिक करा आणि वाचा- मराठा आरक्षणासाठी मुंबईत २७ जूनला बाईक रॅली काढणार; विनायक मेटेंचा निर्धार
९,६३,२२७ व्यक्ती होम क्वारंटाइन
आतापर्यंत तपासण्यात आलेल्या ३ कोटी ७८ लाख ३४ हजार ०५४ प्रयोगशाळा नमुन्यांपैकी ५८ लाख ९८ हजार ५५० (१५.५९ टक्के) नमुने पॉझिटिव्ह आले आहेत. सध्या राज्यात ९ लाख ६३ हजार २२७ व्यक्ती होमक्वारंटाइनमध्ये आहेत. तर, ५ हजार ८०७ व्यक्ती संस्थात्मक क्वारंटाइनमध्ये आहेत.
क्लिक करा आणि वाचा- पदोन्नतीतील आरक्षणाचा प्रश्न भाजप सरकारमुळे निर्माण झाला; नितीन राऊतांचा आरोप