coronavirus in mumbai updates: मुंबईत करोनाची दैनंदिन रुग्णसंख्या होतेय कमी; आज ४४१ नव्या रुग्णांचे निदान

मुंबई: मुंबई (Corona in Mumbai) महापालिका क्षेत्रात आज कालच्या तुलनेत करोनाच्या (Coronavirus) नव्या रुग्णसंख्येत किंचितशी घट झाली असून मुत्यूंची संख्या देखील तुलनेने कमी झाली आहे. गेल्या २४ तासात ४४१ नव्या रुग्णांचे निदान झाले आहे. काल ही संख्या ४७८ इतकी होती. तर, दिवसभरात ६०० रुग्ण बरे होऊन घरी परतले आहेत. कालच्या तुलनेत बरे होणाऱ्या रुग्णांची संख्या कमी आहे. काल ही संख्या ७०१ इतकी होती. गेल्या २४ तासांत मुंबईत करोनाने ८ रुग्णांचा मृत्यू झाला आहे. काल ही संख्या ९ इतकी होती. (mumbai registered 441 new cases in a day with 600 patients recovered and 8 deaths today)

याबरोबरच, मुंबईत आतापर्यंत एकूण ७ लाख ३ हजार ६७७ रुग्ण बरे झाले असून आतापर्यंत एकूण १५ हजार ६४४ रुग्णांचा मृत्यू झाला आहे. मुंबईतील रुग्ण बरे होण्याचे प्रमाण आता ९६ टक्के इतके असून कोविड रुग्णवाढीचा दर ०.०७ टक्के इतका खाली आला आहे. त्याचवेळी मुंबईतील रुग्णदुपटीचा कालावधी आता ९२५ दिवसांवर जाऊन पोहचला आहे.

क्लिक करा आणि वाचा- करोना: राज्यात आज ७,२४३ नव्या रुग्णांचे निदान, मृत्यू १९६

मुंबईत आज ३० हजार १०० चाचण्या

मुंबईत आज एकूण ३० हजार १०० कोविड चाचण्या करण्यात आल्या असल्याचे मुंबई महानगरपालिकेने सांगितले आहे. सध्या झोपडपट्टी व चाळींमध्ये ५ सक्रिय कंटेनमेंट झोन असून एकूण ६५ इमारती सील करण्यात आल्या आहेत.

क्लिक करा आणि वाचा- काँग्रेस नेते शरद पवार यांच्या घरी; पटोले अनुपस्थित, राजकीय वर्तुळात चर्चा

आज संध्याकाळी ६ वाजेपर्यंतची स्थिती

२४ तासांत बाधित रुग्ण – ४४१
२४ तासात बरे झालेले रुग्ण – ६००
बरे झालेले एकूण रुग्ण – ७०३६७७
बरे झालेल्या रुग्णांचा दर – ९६%
एकूण सक्रिय रुग्ण- ७९५०
रुग्ण दुपटीचा कालावधी- ९२५ दिवस
कोविड वाढीचा दर (०६ जून ते १२ जुलै)- ०.०७ %

क्लिक करा आणि वाचा- कौरवही त्यांचे, पांडवही त्यांचे…?; विजय वडेट्टीवार यांचा भाजपला टोला