मुंबई : रिझर्व्ह बँकेने करोनाच्या दुसऱ्या लाटेबाबत चिंता व्यक्त केली आहे. तर दुसऱ्या बाजूला देशात करोनाबाधितांची संख्या कमी होण्याची चिन्हे दिसत नाहीत. त्यामुळे देशव्यापी लॉकडाउनची शक्यता गडद बनली आहे. त्याचा दबाव आज कमॉडिटी बाजारावर दिसून आला. आज बुधवारी सोने आणि चांदीच्या किमतीत घसरण झाली.

मल्टी कमॉडिटी एक्सचेंजवर सोन्याचा भाव ५० रुपयांनी कमी झाला आणि तो ४६८२७ रुपये झाला. चांदीमध्ये देखील ३०० रुपयांची घसरण झाली. एक किलो चांदीचा भाव ६९३२५ रुपये इतका खाली घसरला होता. मंगळवारी सोन्याचा भाव तब्बल ३२९ रुपयांनी घसरला होता. तर चांदीमध्ये ५५० रुपयांची घसरण झाली होती.

करोनाविरुद्धच्या युद्धात RBI ची उडी; कर्जदारांसह अर्थव्यवस्थेसाठी केल्या मोठ्या घोषणा
Goodreturns या वेबसाईटनुसार आज बुधवारी मुंबईत २२ कॅरेट सोन्याचा भाव ४४५८० रुपये आहे तर २४ कॅरेटचा भाव ४५५८० रुपये आहे. दिल्लीत आजचा २२ कॅरेट सोन्याचा भाव ४५७९० रुपये झाला आहे. २४ कॅरेटसाठी सोन्याचा भाव ४९९९० रुपये आहे. आज चेन्नईत २२ कॅरेटसाठी ४४३२० रुपये तर २४ कॅरेट सोन्याचा भाव ४८३५० रुपये आहे. त्यात २२० रुपयांची घसरण झाली आहे. कोलकात्यात २२ कॅरेट सोन्याचा भाव ४६५३० रुपये असून २४ कॅरेट सोन्याचा भाव ४९३२० रुपये आहे.

दरवाढीचा आणखी एक दणका ; सलग दुसऱ्या दिवशी पेट्रोल-डिझेल महागले
जागतिक बाजारात सोने आणि चांदीच्या किमतीवर दबाव दिसून आला. मंगळवारी सोन्याचा भाव १७७६ डॉलर प्रती औस इतका होता. त्यात ०.८८ टक्के घसरण झाली होती. तर चांदीमध्ये देखील १.४८ टक्के घसरण झाली असून चांदीचा भाव २६.५६ डॉलर प्रती औंस इतका होता. आज सोने आणि चांदीमध्ये तेजी दिसून आली. फेडरल रिझर्व्हने अर्थव्यवस्थेबाबत चिंता व्यक्त केली आहे. त्यामुळे गुंतवणूकदार पुन्हा एकदा सोन्यातील गुंतवणुकीबाबत सकारात्मक विचार करत असल्याचे कमॉडिटी विश्लेषकांचे म्हणणे आहे. आज सोन्याचा भाव १७८०.८ डाॅलर प्रती औंस झाला.

सोनं झालं स्वस्त ; देशव्यापी लॉकडाउनच्या भीतीने सोन्याचे भाव गडगडले
देशातील दैनंदिन करोना रुग्णसंख्या चार लाखांवर गेली आहे. त्यामुळे अनेक राज्यांनी स्थानिक पातळीवर लॉकडाऊन घोषित केला आहे. दरम्यान, केंद्र सरकारच्या कोव्हीड टास्क फोर्सने सरकारला देशव्यापी लॉकडाउनचा पर्याय सुचवला आहे. तर आज रिझर्व्ह बँकेने देखील करोनाच्या दुसऱ्या लाटेबाबत चिंता व्यक्त केली आहे.

आरोग्य मंत्रालयानं दिलेल्या माहितीनुसार, देशात मंगळवारी (४ मे २०२१) रोजी एकूण ३ लाख ८२ हजार ३१५ करोनाबाधित रुग्ण आढळले आहेत तर याच २४ तासांत ३७८० जणांना आपले प्राण गमवावे लागले आहेत. याच दिवशी तब्बल ३ लाख ३८ हजार ४३९ रुग्णांना रुग्णालयातून डिस्चार्ज देण्यात आला.