सूरत: करोना विषाणूला पळवण्याच्या नावावर गुजरातमध्ये एक धक्कादायक घटना घडल्याचं दिसतंय. साणंदमध्ये एका मंदिरावर जल अभिषेक उत्सव आयोजित करण्यात आला होता. या धार्मिक कार्यक्रमासाठी हजारो लोक मास्कशिवाय जमा झाले होते. त्यामुळे, करोना गाईडलाईन्सचंही उल्लंघन झाल्याचं दिसून येतंय. गुजरातमध्ये वाढलेल्या करोना संक्रमणाच्या पार्श्वभूमीवर हे दृश्यं अतिशय भयावह ठरलंय.

करोनाला पळवण्यासाठी गुजरातच्या साणंदस्थित बलियादेव मंदिरावर जल अभिषेक करण्याचं जनतेला आवाहन करण्यात आलं होतं. या प्रकरणात सोशल डिस्टन्सिंगचा चांगलाच फज्जा उडालाय.

Covid 19: ‘…तर कोविड व्यवस्थापनाची जबाबदारी लष्कराकडे सोपवा’, हायकोर्टानं फटकारलं
Maratha Reservation: मराठा आरक्षण रद्द, सर्वोच्च न्यायालयाचा महत्त्वाचा निर्णय
या उत्सवाचे अनेक फोटो सोशल मीडियावरही व्हायरल झाले आहेत. या कार्यक्रमात सहभागी झालेल्या महिलांनी मास्कचाही वापर केलेला दिसत नाही. तसंच मंदिराच्या जल अभिषेकाचा व्हिडिओही व्हायरल झाला आहे.

सोशल मीडियावर हे फोटो – व्हिडिओ व्हायरल झाल्यानंतर पोलिसांनी या प्रकरणाची नोंद घेतलीय. या प्रकरणी २३ जणांवर कारवाई करण्यात आलीय. पोलिसांनी ‘आपत्कालीन कायद्याखाली’ आरोपींवर गुन्हा दाखल करत त्यांना अटक केलीय. अहमदाबाद ग्रामीणचे डेप्युटी एसपी के टी कमारिया यांनी ही माहिती दिलीय.

सरकारी आकडेवारीनुसार, गुजरातमध्ये सध्या १ लाख ४८ हजार २९७ रुग्णांवर उपचार सुरू आहेत. तर आतापर्यंत राज्यात ७७७९ जणांनी आपले प्राण करोनामुळे गमावले आहेत. बेड, वेळेत उपचार आणि ऑक्सिजनच्या अभावी अनेक रुग्णांना आपले प्राण गमवावे लागत आहेत. गुजरातमध्ये आतापर्यंत ६ लाख २० हजार ४७२ जणांना करोनानं गाठलंय.

Mamata Banerjee: सलग तिसऱ्यांदा ममता बॅनर्जी ‘मुख्यमंत्री’पदी, पंतप्रधानांच्या ‘दीदीं’ना शुभेच्छा!

CM Vs Governor: शपथविधीनंतर ‘लहान बहीण’ ममता बॅनर्जींना राज्यपालांचा सल्ला, मिळालं प्रत्यूत्तर