Gulabrao Patil: ‘लाश वही है, बस कफन बदल गया है… हे पश्चिम बंगालच्या जनतेने ओळखले!’

जळगाव:पश्चिम बंगाल येथे रस्त्यावर लोकांमध्ये राहून काम करणारे नेतृत्व भाजपाकडे नसल्यामुळे विधानसभा निवडणुकीच्या निकालात ममता बॅनर्जी यांना जनमताचा कौल मिळाला असल्याचे मत राज्याचे सार्वजनिक पाणीपुरवठा व स्वच्छता मंत्री गुलाबराव पाटील यांनी व्यक्त केले आहे. ( Gulabrao Patil On West Bengal Election Results )

वाचा: Live Updates: पंढरपुरात भाजपचे समाधान अवताडे यांना मोठी आघाडी; राष्ट्रवादीचा गड धोक्यात

पालकमंत्री गुलाबराव पाटील हे रविवारी दुपारी जळगाव येथे आलेले होते. अजिंठा शासकीय विश्रामगृहात माध्यमांशी बोलताना त्यांनी पश्चिम बंगाल विधानसभा निवडणूक निकालावर आपली प्रतिक्रिया नोंदविली

पाटील म्हणाले की, राज्यात कोण जनतेसोबत राहू शकतं आणि कोण नेतृत्व करून शकतं, हे जनतेला माहीत आहे. म्हणूनच ममता बॅनर्जी यांच्या तृणमूल काँग्रेसच्या बाजूने जनतेने कौल देत ममता बॅनर्जी यांचा तिसऱ्यांदा मुख्यमंत्री होण्याचा मार्ग मोकळा केला आहे. भाजपला थेट केंद्रातून सर्व प्रकारची रसद पुरवली गेली पण त्यांच्याकडे राज्याचे नेतृत्त्व करणारा चेहरा नसल्यानेच ममता दीदींच्या बाजूने जनमताचा कौल गेला असे मला वाटते. कोणत्याही राज्याचा नागरिक लोकसभेच्या वेळी वेगळ्या पद्धतीने मतदान करतो आणि राज्याच्या निवडणुकीवेळी तो वेगळ्या पद्धतीने विचार करतो. ममता दीदींनी राज्याचे नेतृत्त्व करावे, हे पश्चिम बंगालमधील लोकांच्या मनात पक्के होते. हे सिद्ध झाले आहे, असेही गुलाबराव पाटील यांनी सांगितले.

वाचा: प. बंगाल : प्रशांत किशोर यांची भाजपबाबतची ‘ती’ भविष्यवाणी खरी ठरतेय?

भाजपकडील अनेक जण तृणमूलचेच होते

पश्चिम बंगाल विधानसभा निवडणुकीच्या निकालावरून पंतप्रधान नरेंद्र मोदी यांचा करिष्मा ओसरला का? असा विचार करण्यापेक्षा मातीशी कोण जुळला आहे, याचा विचार मतदारांनी केला. पंतप्रधान मोदींकडे जे लोक गेले होते, ते ममता बॅनर्जी यांचेच होते. ‘लाश वही है, बस कफन बदल गया है’, हे जनतेने चांगले ओळखून घेतल्याने भाजपच्या गद्दारीला धडा शिकविल्याचेही गुलाबराव पाटील म्हणाले.

वाचा: तिसऱ्या लाटेत लहान मुलांना अधिक धोका!; CM ठाकरे यांनी दिले ‘हे’ निर्देश