मुंबई : इंडियन आयडल १२ या कार्यक्रमावर जितकी लोक टीका करतात त्याहून अधिक लोकांना हा कार्यक्रम आवडतो. इंडियन आयडल कार्यक्रमाची सुरुवात २००४ मध्ये झाली होती आणि आता या कार्यक्रमाचे १२ वे पर्व सुरू आहे. यावरूनच कार्यक्रमाची लोकप्रियता किती आहे, हे समजते. कार्यक्रमातील स्पर्धकांना मिळणाऱ्या लोकप्रियतेमुळेच हा कार्यक्रम यशस्वी ठरला आहे.

इंडियन आयडलच्या १२ व्या पर्वामधील जे स्पर्धक आहेत, त्यांचा गाण्याचा अंदाज अनेकांना आवडतो. या स्पर्धकांनी प्रेक्षकांच्या मनात स्वतःची अशी खास जागा तयार केली आहे. त्यातील एक स्पर्धक आहे अरुणिता कांजीलाल. अरुणिता या पर्वातील सर्वात लोकप्रिय स्पर्धक आहे. जेव्हा ती गायला स्टेजवर येते तेव्हा तिच्या गाण्यामुळे सर्वजण मंत्रमुग्ध होऊन जातात. सोशल मीडियावर देखील तिच्या गाण्याचे भरभरू कौतुक होते. इतकेच नाही तर कार्यक्रमाचे परीक्षक देखील तिचे गाणे झाल्यानंतर तिला उभे राहून दाद देतात. यावेळीही असेच काहीसे झाले आहे. कार्यक्रमाची परीक्षक सोनू कक्करला अरुणिताचे गाणे खूपच आवडले. त्यामुळे सोनूने अरुणिताला एका खास गिफ्ट दिले.

नेहा कक्करची बहीण सोनू आता या कार्यक्रमाची परीक्षक म्हणून आली आहे. परंतु सुत्रांनी दिलेल्या माहितीनुसार हिमेशच्या पाठोपाठ आता नेहा कक्करही कार्यक्रमात पुन्हा परत येणार आहे, परंतु कधी ते मात्र अद्याप समजलेले नाही. पण तोपर्यंत नेहाची जागा सोनूने घेतली आहे. त्यामुळे सध्या सोनू, हिमेश रेशमिया आणि अनु मलिक यांच्यासह परीक्षक म्हणून काम पाहत आहे.

कार्यक्रमा दरम्यान, अरुणिताचे गाणे ऐकल्यानंतर सोनूला तिचे गाणे खूपच आवडले. इतके ती अरुणिताला भेटायला स्टेजवर गेली.अरुणिताचे गाणे ऐकल्यानंतर तिला शुभेच्छा देण्यासाठी सोनू स्टेजवर आली. तिचे भरभरून कौतुक केले आणि अरुणिताला भेटी दाखल देवी आईचा आशिर्वाद असलेली ओढणी दिली. सोनूने ही ओढणी अरुणिताच्या अंगावर पांघरली. अरुणिताचे गाणे ऐकल्यानंतर सोनू म्हणाली, ‘इंडिनय आयडॉलच्या मंचावर यायला मिळणे ही माझ्यासाठी भाग्याची गोष्ट आहे. येथे आल्यामुळेच अरुणितासारख्या प्रतिभावंत गायिकेचे गाणे ऐकण्याची संधी मला मिळाली. अरुणिता मी तुझे गाणे ऐकून खूपच आनंदित झाली आहे. तुझा आवज सुमधूर आहे. भविष्यासाठी तुला खूप साऱ्या शुभेच्छा. तुझ्या प्रतिभावान गायिकेसाठी देवी आईची ओढणी मी तुला भेट देत आहे…’

अरुणिताही झाली भावुक

परीक्षक सोनू कक्कर कडून ही छान भेट मिळाल्यामुळे अरुणिताही खूपच भावुक झाली. अरुणिता म्हणाली,’ सोनू मॅमकडून ही भेट मिळाल्याने मी खूपच भावुक झाले आहे. इंडियन आयडलमुळे मी आज गायिका म्हणून ओळखली जाऊ लागली आहे. सर्व परीक्षक आणि चाहत्यांचे मनापासून आभार. ते जे माझ्यावर भरभरून प्रेम करत आहेत, मला जो आदर आणि पाठिंबा देत आहेत त्याबद्दल मनापासून आभारी आहे. सोनू मॅमने मला देवी आईचा प्रसाद म्हणून जी ओढणी दिली आहे त्यामुळे मी धन्य झाले आहे. भविष्यात देखील असेच चांगल्या पद्धतीने गाणे गाण्याचा प्रयत्न करीन…’

सोनू कक्कर झाली होती ट्रोल

काही दिवसांपासून इंडियन आयडल १२ हा कार्यक्रम खूपच वादाच्या भोव-यात अडकला होता. कार्यक्रमातील प्रशिक्षकांपासून ते त्यातील स्पर्धकांपर्यंत सर्वांवर सोशल मीडियावर टीका करण्यात आली आहे. या कार्यक्रमात परीक्षक म्हणून आलेली सोनू कक्कर देखील यातून सुटली नाही. सोनूने कार्यक्रमामध्ये ‘मेरे रश्के कमर’ गाणे गायले तेव्हा तिच्यावर सोशल मीडियावर प्रचंड टीका झाली. अनेकांनी तिने ज्या पद्धतीने गाणे सादर केले त्यावरून तिला खूपच ट्रोल करण्यात आले.

अरुणिता आणि पवनदीप सर्वात लोकप्रिय स्पर्धक

इंडियन आयडलच्या १२ व्या पर्वातील प्रत्येक स्पर्धकाने स्वतःची अशी ओळख निर्माण केली आहे. परंतु प्रेक्षकांच्या मनात खास जागा निर्माण केली ती अरुणिता कांजीलाल आणि पवनदीप राजन यांनी. हे दोघेजण यावर्षीचे सर्वाधिक लोकप्रिय स्पर्धक आहेत. दोघांची गाणी ऐकून कार्यक्रमाच्या परीक्षकांनी त्यांचे कायमच भरभरून कौतुक केले आहे. त्याचप्रमाणे सोशल मीडियावरही चाहत्यांनी त्यांना पाठिंबा दिला आहे. युट्यूबवर त्यांची गाणी लाखो वेळा पाहिली, ऐकली गेली आहेत.

अरुणिताचे गाणे ऐकून सोनू कक्कर भारावून गेली
सोनूने स्टेजवर जाऊन अरुणिताला दिली खास भेट
परीक्षक सोनू कक्करकडून भेट मिळाल्याने अरुणिताला झाला मनस्वी आनंद