मुंबई: सायन येथील लोकमान्य टिळक रुग्णालयात (सायन रुग्णालय) एका मनोरुग्णाने दुसऱ्या मजल्यावरून खाली उडी घेतली. तो पहिल्या मजल्यावरील कठड्यावर पडला व जखमी झाला. ही बाब लक्षात येताच तेथे कर्तव्य बजावणाऱ्या तीन सुरक्षारक्षकांनी तत्परतेने धाव घेऊन त्याला सहीसलामत पहिल्या मजल्यावर आणून उपचारासाठी तात्काळ ट्रॉमा विभागात दाखल केल्याने बचावला आहे. (mentally ill patient suddenly jumped out of a window in sion hospital)

या ४५ वर्षीय मनोरुग्णावर सायन रुग्णालयाच्या दुसऱ्या मजल्यावरील एका वॉर्डमध्ये उपचार सुरू आहेत. शनिवारी सकाळी त्याने अचानकपणे खिडकीतून बाहेर उडी घेतली. त्यानंतर तो पहिल्या मजल्यावरील रॅम्पवर कोसळला.

क्लिक करा आणि वाचा- धक्कादायक! मुंबईत निर्माणाधीन इमारतीची लिफ्ट कोसळून चौघांचा मृत्यू, एक गंभीर जखमी

काहीतरी पडल्याचा आवाज झाल्यानंतर सगळे सावध झाले. त्यावेळी कर्तव्यावर असलेले संभाजी मडगे, लक्ष्मण मडगे आणि सिद्धेश तांबडे या सुरक्षारक्षकांनी या मनोरुग्णाला खाली आणले. तो जखमी झाला होता.

क्लिक करा आणि वाचा- करोना: राज्यात दैनंदिन रुग्णसंख्येत घट, मात्र मृत्युसंख्या चिंता वाढवणारी

त्यानंतर या रुग्णाला तातडीने अपघात विभागात दाखल करण्यात आले. या मनोरुग्णाने का उडी घेतली याबाबत काहीच समजू शकलेले नाही. त्याने आत्महत्या करण्याचा प्रयत्न केला का हेही अद्याप स्पष्ट झालेले नाही. मात्र, जखमी झालेल्या या मनोरुग्णावर उपचार सुरू असून त्याची प्रकृती स्थिर असल्याचे सांगण्यात येत आहे.

क्लिक करा आणि वाचा- महाड दुर्घटना: तळीयेतील रहिवाशांसाठी शरद पवार यांची ‘ही’ महत्वाची सूचना