हायलाइट्स:
- पॉर्नोग्राफी प्रकरणी शर्लिन चोप्रा, पूनम पांडेला दिलासा
- दोघींच्या अटकपूर्व जामिन मुंबई उच्च न्यायालयाने केले मंजूर
- राज कुंद्राला दिलासा नाहीच, १४ दिवसांची न्यायालयीन कोठडी
सुत्रांनी दिलेल्या माहितीनुसार क्राईम ब्राँचने शर्लिनला चौकशीसाठी आज सकाळी ११ वाजता बोलावले होते. शर्लिनने राज कुंद्रा केस प्रकरणी काही महत्त्वाची माहिती दिली होती. तसेच तिने राजच्या कंपनीची माहिती पोलिसांना दिली होती. ही कंपनी मॉडेल्ससाठी अॅप बनवायची. तिने पोलिसांना व्हिडिओ शेअर करत त्या कंपनीची माहिती दिली होती.
शर्लिन चोप्राने काही दिवसांपूर्वी सांगितले होते की महाराष्ट्र सायबर सेलमध्ये तिने आपला जबाब नोंदवला आहे. तिच्या म्हणण्याप्रमाणे या प्रकरणी तिने सगळ्यात आधी जबाब पोलिसांना दिला होता. सायबर सेलने समन्स पाठवल्यावर ती पळून गेली नाही.
पूनम पांडेनेही दिली माहिती
राज कुंद्रा केसमध्ये पूनम पांडेनेही अनेक गोष्टींचे खुलासे केले आहेत. तिने सांगितले होते की, तिच्याकडून जबरदस्तीने एका करारावर सही करून घेतली होती. जर तिने सही केली नाही तर तिचे काही खासगी गोष्टी सार्वजनिक करण्याची धमकी दिली होती.
राज कुंद्राला १४ दिवसांची न्यायालयीन कोठडी
राज कुंद्रावर अश्लिल व्हिडिओ केल्याप्रकरणी अटक करण्यात आली आहे. अटक झाल्यानंतर पहिल्यांदा त्याल २३ जुलैपर्यंत पोलिस कोठडी दिली होती त्यानंतर ही मुदत २७ जुलैपर्यंत वाढवण्यात आली. आज त्याच्या पोलिस कोठडीची मुदत संपली. त्यानंतर त्याला न्यायालयात हजर केले. त्यानंतर न्यायालयाने राज कुंद्रा आणि त्याचा सहकारी रायन थॉर्पे यांना १४ दिवसांच्या न्यायालयीन कोठडीत पाठवण्याचे आदेश दिले आहेत.
WhatsApp 