[ad_1]
शिल्पा शेट्टी ही राजच्या जवळपास सर्व कंपन्यांमध्ये भागीदार आहे. या सर्व प्रकरणाची शिल्पाला कल्पना होती का, याचा शोध आता पोलीस घेत आहेत. त्यामुळे लवकरच शिल्पाला चौकशीसाठी बोलवण्यात येईल अशी शक्यता वर्तवली जात आहे. दरम्यान, मुंबईचे पोलीस आयुक्त मिलिंद भरांबे यांनी सांगितले की, शिल्पा शेट्टीचा या प्रकरणात सहभाग आहे की नाही हे आतापर्यंत झालेल्या चौकशीत स्पष्ट झालेले नाही. अद्याप या प्रकरणाचा तपास सुरू आहे.
लंडनमधून व्हायचे कंपनीचे कामकाज
पोलिस आयुक्तांनी सांगितले की, ‘ राज कुंद्राच्या दोन्ही कंपन्या लंडनमध्ये आहेत. परंतु त्याचे सर्व कामकाज मुंबईतील ऑफिसमधून चालायचे. त्यामुळे राज कुंद्राचा आयटी प्रमुख रायन थार्पला अटक केली आहे. ‘ ते पुढे म्हणाले, ‘ त्यांची कार्यपद्धतीची माहिती घेतली. हे लोक काम करताना नवीन मॉडेल आणि अभिनेत्रींना वेब सीरिजमध्ये, सिनेमामध्ये काम करण्यासाठी बोलावायचे. त्याचे चित्रीकरण सुरू असतानाचा त्यांचा पॉर्न व्हिडीओ केला जायचा. याप्रकरणी आतापर्यंत नऊ जणांना अटक केली आहे. तसेच विविध ठिकाणी घातलेल्या छाप्यांमधून इलेक्ट्रॉनिक सामान जप्त केले आहे.’
दरम्यान, या पॉर्नोग्राफी प्रकरणी फेब्रुवारी २०२१ मध्ये गुन्हा नोंदवण्यात आला होता. यावेळी काही महिलांना घेऊन अश्लिल व्हिडीओ केल्याप्रकरणी हा गुन्हा नोंदवण्यात आला होता. यामध्ये गहना वशिष्ठसहित अनेक आरोपी होते.
७.५ कोटी रुपये केले जप्त
पोलीस आयुक्तांनी पुढे सांगितले की राज कुंद्राचा नातेवाईक लंडनमध्ये एक कंपनी चालवतो. परंतु त्याची देखरेख राज कुंद्राच करायचा. हॉटशॉट अॅपवर या कंपनीची माहिती आहे. इतकेच नाही तर अॅपल स्टोर आणि गुगल प्ले स्टोअरवरून २०२० मध्ये हा अॅप काढून टाकण्यात आला होता. कोर्टाकडून आदेश मिळाल्यानंतर ठिकठिकाणी पोलिसांनी छापे घातले. त्यावेळी अनेक पुरावे आणि भरपूर माहिती मिळाली आहे. आतापर्यंत अनेक बँक अकाउंटमधून आणि अन्य माध्यमातून ७.५ कोटी रुपये जप्त करण्यात आले आहे.
पोर्नोग्राफी प्रकरणी आता अभिनेत्री शिल्पा शेट्टीवरही चौकशीची टांगती तलवार
राज कुंद्राच्या अनेक कंपन्यांमध्ये शिल्पा शेट्टी आहे भागिदार
विविध खात्यांमधून आतापर्यंत ७.५ कोटी रुपये केले जप्त
[ad_2]
Source link