नवी दिल्ली : दिल्लीत करोनाच्या दुसऱ्या लाटेने कहर केला आहे. करोनाबाधितांना बेडसाठी, ऑक्सिजनसाठी भटकावे लागत आहे. यावर महिंद्रा समूहाने एक उपाय शोधून काढला आहे. नोएडामध्ये टेक महिंद्रा कंपनीने कॅफेटेरियाचे रूपांतर कोव्हिड सेंटरमध्ये केले आहे. या कोव्हिड सेंटरमध्ये ४० बेड उपलब्ध झाले आहेत.

करोनाचा कहर ; सोने-चांदी तेजीत , जाणून घ्या किती रुपयांनी महागले सोने
टेक महिंद्रा ही महिंद्रा समूहातील आयटी कंपनी आहे. टेक महिंद्राने फोर्टिसच्या सहकार्याने हा उपक्रम हाती घेतला आहे. ज्यात कंपनीच्या कॅफेटेरियाचे ४० खाटांची क्षमता असलेल्या कोव्हिड केअर सेंटरमध्ये करण्यात आले असल्याचे टेक महिंद्राचे व्यवस्थापकीय संचालक आणि सीईओ सी.पी गुरुनानी यांनी सांगितले.

टेक महिंद्राने राबवलेल्या उपक्रमाचे महिंद्रा समूहाचे प्रमुख आनंद महिंद्रा यांनी कौतुक केले आहे. आनंद महिंद्रा यांनी ट्विट करून या उपक्रमाला शुभेच्छा दिल्या. ते म्हणतात कि स्वतःला उत्साही ठेवण्यासाठी सकारात्मक आणि ऊर्जेने भरलेल्या लोकांसोबत असणे आवश्यक आहे तर तुमच्या कामातून चांगला मार्ग निघतो. आयटी क्षेत्रात काम करणारे कधी थांबत नसतात ते दुसऱ्याना देखील प्रेरित करतात असे त्यांनी म्हटलं आहे. चांगल्या कामासाठी कोणाच्या प्रोत्साहनाची आवश्यकता नाही, असे महिंद्रा यांनी म्हटलं आहे.

निर्यातीची मोठी झेप ; एप्रिल महिन्यात भारतने केली ३० अब्ज डॉलर्सची निर्यात
करोनाची प्राथमिक लक्षणे असलेल्या रुग्णांवर या तात्पुरत्या कोव्हिड केअर सेंटरमध्ये उपचार केले जाणार आहे. टेक महिंद्राच्या कॅफेटेरियामध्ये ४० खाटा उपलब्ध झाल्या आहेत. त्यापैकी ३५ बेडवर रुग्ण दाखल झाले आहेत. २४ एप्रिलपासून या ठिकाणी हा उपक्रम राबवला जात असल्याचे कंपनीने म्हटलं आहे.

लशींचा तुडवडा ; ‘सीरम’च्या आदर पुनावाला यांना धमक्यांचे फोन, बड्या नेत्यांचे दबावतंत्र
सुरुवातीला ही सुविधा टेक महिंद्राच्या कर्मचारी आणि नातेवाईकांसाठी सुरु करण्यात आली होती. मात्र इतर रुग्णांनी जेव्हा मदत मागितली तेव्हा त्यांनाही याठिकाणी भरती करून घेण्यात आले असल्याचे कंपनीने म्हटलं आहे. करोनाबाधितांना विलगीकरण कक्षाप्रमाणे या ठिकाणी सुविधा आहेत. फोर्टिसचे डॉक्टर फोन कॉलवर उपलब्ध आहेत तसेच ऑक्सिजन सुविधा देखील आहे.
गुंतवणुकीचा विचार करताय ; या महत्वाच्या गोष्टी तुम्हाला निर्णय घेण्यास फायदेशीर ठरतील