Tejasvi Surya: करोना बेड घोटाळ्याला तेजस्वी सूर्या यांच्याकडून ‘धार्मिक रंग’, चौकशीचे आदेश

बंगळुरू : भारतीय जनता पक्षाचे वादग्रस्त खासदार तेजस्वी सूर्या पुन्हा एकदा चर्चेत आहेत. सूर्या यांनी कोविड रुग्णांसाठी कोविड बेड घोटाळ्यासंबंधी बंगळुरू महानगरपालिकेवर भ्रष्टाचाराचे आरोप केले आहेत. यासंबंधी, तेजस्वी सूर्या यांनी दाखल केलेल्या तक्रारीनंतर कर्नाटक सरकारनंही या कारवाई सुरू केलीय.

सहआयुक्त संदीप पाटील यांनी दिलेल्या माहितीनुसार, या प्रकरणात पोलिसांत दोन तक्रारी दाखल करण्यात आल्या आहे. या प्रकरणी एका महिलेसहीत चार जणांना अटक करण्यात आलीय.

काय आहे प्रकरण?

भाजप खासदार तेजस्वी सूर्या यांचे यासंबंधी काही व्हिडिओ समोर आलेत. यातील एका व्हिडिओत सूर्या आपले कुटुंबीय रवी सुब्रमण्य आणि सतीश रेड्डी यांच्यासोबत महापालिकेच्या दक्षिण वॉररुममध्ये असलेल्या १७ मुस्लीम स्टाफच्या उपस्थितीवर प्रश्नचिन्ह उपस्थित करताना दिसत होते. ‘हे लोक कोण आहेत? त्यांना कुणी नियुक्त केलं? कशी झाली त्यांची नियुक्ती?’ असं म्हणतानाही तेजस्वी सूर्या या व्हिडिओत दिसत आहेत.

Mamata Banerjee: मुख्यमंत्री ममता ‘अॅक्शन मोड’मध्ये, EC नं हटवलेल्या ‘विश्वासू’ अधिकाऱ्यांची पुन्हा एन्ट्री
Covid19: करोना संक्रमणानं पुन्हा एकदा तोडले आजवरचे सगळे रेकॉर्ड
१७ मुस्लीम कर्मचाऱ्यांच्या नियुक्तीवर प्रश्नचिन्ह

भाजप नेते आणि खासदार तेजस्वी सूर्या यांनी बंगळुरू महानगरपालिकेच्या वॉररुममध्ये १७ मुस्लीम कर्मचाऱ्यांच्या नियुक्तीवर प्रश्नचिन्ह उपस्थित करताना या प्रकरणाला ‘धार्मिक रंग’ देण्याचाही प्रयत्न केला आहे. सूर्या यांनी केलेल्या भ्रष्टाचाराच्या आरोपानंतर राज्यात राजकीय वातारवणही तापलंय.

पालिका आयुक्त सरफराज नवाज यांनाही आरोपाच्या झळा

या आरोपाच्या झळा महानगरपालिका आयुक्त सरफराज नवाज यांच्यापर्यंतही पोहचल्यात. माझ्यावर आरोप करतानाचा या प्रकरणाला धार्मिक रंग देण्याचा प्रयत्न करण्यात येतोय यासाठी मला दु:ख होतंय, अशी प्रतिक्रिया नवाज यांनी व्यक्त केलीय. बेड वाटप प्रक्रियेशी आपला काहीही संबंध नाही. कोविड केअर सेंटर आणि कचरा व्यवस्थापनावर आपण देखरेख करत असल्याचंही त्यांनी म्हटलंय. दरम्यान, बुधवारी सूर्या यांनी आपण नवाझ यांच्या नावाचा उल्लेख केला नसल्याचं स्पष्टीकरण देतानाच माफीही मागितलीय.

Covid19: राष्ट्रीय लोकदलाचे अध्यक्ष चौधरी अजित सिंह यांचं करोनानं निधन
coronavirus : NSG च्या ग्रुप कमांडरलाही मिळाला नाही ICU बेड, करोनाने झाला मृत्यू
मुख्यमंत्र्यांनी दिले चौकशीचे आदेश

राज्याचे मुख्यमंत्री बी एस येडियुरप्पा यांनी या प्रकरणाच्या चौकशीचे आदेश दिले आहेत. तसंच राज्याचे गृहमंत्री बासवराज बम्मई यांनी एक घोषणा केलीय. या प्रकरणी कारवाई करण्याचं आश्वासन त्यांनी दिलंय. तसंच सरकारी बेडच्या स्थितीसंबंधी दररोज बुलेटिन जारी करण्यात येईल, असंही त्यांनी म्हटलंय. हे आरोप करणाऱ्यांत भाजपच्या आणखीन दोन आमदारांचाही समावेश आहे.

काँग्रेसकडून भाजप नेत्यांवर टीका

राज्याचे माजी मुख्यमंत्री सिद्धरमय्या यांनी सूर्या यांच्यावर निशाणा साधलाय. करोनासारख्या प्रसंगीही प्रकरणाला धार्मिक रंग देण्याचा प्रयत्न अत्यंत असंवेदनशील असल्याचं त्यांनी म्हटलंय. तर राज्यसभा खासदार सय्यद नासिर हुसैन आणि काँग्रेसचे प्रवक्ते बृजेश कलप्पा यांनी त्याच वॉररुममधील एकूण २०५ कर्मचाऱ्यांची यादीच जाहीर केलीय. भाजप नेत्यांनी या यादीतील केवळ १७ मुस्लीम कर्मचाऱ्यांची नावं समोर ठेवल्यावरून टीका केलीय.

coronavirus india : देशभरात लॉकडाउन लागेल का? केंद्र सरकारने दिले उत्तर
antibody cocktail : करोना रुग्णांच्या उपचारासाठी आता ‘अँटीबॉडी कॉकटेल’ला मंजुरी; अमेरिका, युरोपात आधीच वापर सुरू