निर्धारीत आणि अतिरिक्त वेळेत दोन्ही संघांनी प्रत्येकी १-१ गोल केले. त्यामुळे सामन्याचा निकाल पेनल्टी शूटआउटवर ठरवण्यात आला. सामन्यात अर्जेंटिनाने सहाव्या मिनिटाला गोल करून आघाडी घेतली होती. लॉटारो मार्टिनेजने हा गोल गेला. त्यानतंर कोलंबियाच्या लुईस डियाजने गोल करत बरोबरी मिळून दिला. त्याने दुसऱ्या हाफमध्ये हा गोल केला.
वाचा- Video: नेमारचे अफलातून ड्रिबलिंग आणि लुकासचा विजयी गोल
दोन्ही संघातील खेळाडूंनी गोल करण्याचे जोरदार प्रयत्न केले पण त्यांना यश आले नाही. अखेर सामना पेनल्टी शूटआउटमध्ये गेला. शूटाआउटमध्ये अर्जेंटिनाचे खेळाडू कोलंबियावर वरचढ ठरले. अर्जेंटिनाचा गोलकीपर एमिलियानो मार्टिनेज हा विजयाचा शिल्पकार ठरला. त्याने कोलंबियाचे तीन पेनाल्टी शूट रोखले. यामुळे कोलंबियाला दोन गोल करता आले. आता शुक्रवारी तिसऱ्या स्थानासाठी कोलंबिया आणि पेरू यांच्यात लढत होईल.
वाचा- Video: मेसीची अफलातून फ्री किक; अर्जेंटीना उपांत्य फेरीत
वाचा- दिलीप कुमार यांनी भारतीय संघाला दिला होता १९८३च्या वर्ल्डकप संघाचा हिरो
अर्जेंटिनाने १९९३ सालानंतर कोपा अमेरिका स्पर्धेचे विजेतेपद मिळवले नाही. कर्णधार लिओनेल मेसीच्या नेतृत्वाखाली अर्जेंटिनाला इतिहास घडवण्याची संधी आहे. शनिवारी फायनल लढतीत त्यांची लढत गतविजेत्या ब्राझीलविरुद्ध होणार आहे. खास गोष्ट म्हणजे यजमानपद असताना ब्राझीलचा कोपा कपच्या फायनलमध्ये कधीच पराभव झालेला नाही.