मुंबई- बॉलिवूड अभिनेत्री क्रिती सेनॉन सोशल मीडियावर प्रचंड सक्रिय असते. ती बर्‍याचदा तिचे फोटो आणि व्हिडिओ शेअर करते. नुकताच तिने जिममध्ये व्यायाम करतानाचा एक व्हिडिओ शेअर केला आहे. विशेष म्हणजे या व्हिडिओला क्रितीने एक मजेदार कॅप्शन दिले आहे. अभिनेत्रीची ही पोस्ट चाहत्यांना खूप आवडली असून तिच्या या व्हिडिओवर भरभरून लाइक्स आणि कमेन्ट करत आहेत.

शुक्रवारी क्रितीने तिच्या इन्स्टाग्राम अकाउंटवर दोन व्हिडिओ शेअर केले. पहिल्या व्हिडिओमध्ये ती ट्रेनर यास्मीन कराचीवालासोबत वेट लिफ्टिंग, स्क्वॅट्स आणि डेडलिफ्ट्स करताना दिसत आहे. दुसर्‍या व्हिडिओमध्ये तिला वर्कआउट करताना किती त्रास होतो ते स्पष्ट दिसतं. क्रितीने या व्हिडिओला कॅप्शन देताना लिहिले की, ‘लेग डे आणि मी.. अपेक्षा विरुद्ध वास्तव किंवा इन्स्टाग्राम विरुद्ध रिअलिटी! पुढचा व्हिडिओ पाहायला विसरू नका. यामुळे मला पायांचा व्यायाम करणं किती आवडतं तेही कळेल.’

या वर्षाच्या सुरुवातीपासूनच क्रिती सेनॉन खूप व्यग्र आहे. ती तीन चित्रपटांमध्ये काम करत आहे. तिच्या या व्यग्र वेळापत्रकाबद्दल बोलताना ती म्हणाली होती की, ‘या वर्षाची सुरुवात माझ्यासाठी नक्कीच चांगली आहे. मी सेटवर परत गेले. सिनेमात काम केल्यापासून मला फार उत्साही वाटतंय. मी ‘भेडिया’, ‘बच्चन पांडे’ या चित्रपटाचं चित्रीकरण पूर्ण केलं आणि ‘आदिपुरुष’ वर देखील काम करण्यास सुरवात केली.

क्रिती सेनॉनच्या कामाबद्दल बोलायचे झाले तर अक्षय कुमार आणि जॅकलिन फर्नांडिससोबत ती ‘बच्चन पांडे’ मध्ये दिसणार आहे. तसेच ‘भेडिया’ सिनेमाचे चित्रीकरण तिने एप्रिल महिन्यात अरुणाचल प्रदेशमध्ये पूर्ण केले. या सिनेमात तिच्यासोबत वरुण धवन असणार आहे. याशिवाय प्रभास आणि सैफ अली खानसोबत ती ‘आदिपुरुष’ मध्ये काम करत आहे. एवढंच नाही तर ‘गनपथ’ सिनेमात ती टायगर श्रॉफसोबत दिसणार आहे. याशिवाय तिचा पदार्पणातील सिनेमा ‘हिरोपंती’ च्या सिक्वलमध्येही ती काम करणार आहे.