उत्तर २४ परगणा: पश्चिम बंगाल विधानसभा निवडणूक मतमोजणी सुरू आहे. सुरुवातीचे कल हाती येऊ लागले आहेत. त्याचवेळी उत्तर २४ परगणा जिल्ह्यात धक्कादायक घटना घडली आहे. मतमोजणी सुरू असतानाच एका कर्मचाऱ्याची प्रकृती अचानक बिघडली. त्याला बेशुद्धावस्थेत रुग्णालयात नेण्यात आले आहे. कर्मचाऱ्याची प्रकृती कोणत्या कारणामुळे बिघडली, हे अद्याप स्पष्ट झालेले नाही.

बेशुद्ध झालेल्या कर्मचाऱ्याला मतमोजणी केंद्रावरून रुग्णालयात हलवण्यात आले आहे. त्याच्यावर रुग्णालयात प्रथमोपचार केले जात आहेत, अशी माहिती समजते. कर्मचाऱ्याला स्ट्रेचरवरून तात्काळ रुग्णालयात नेण्यात आले. मिळालेल्या माहितीनुसार, कर्मचारी मतमोजणी केंद्रातील टेबलावर बेशुद्ध पडला. तो जमिनीवर कोसळला. त्याला केंद्रावरील काही जणांनी तात्काळ स्ट्रेचरवरून रुग्णालयात नेले. तेथे त्याच्यावर उपचार सुरू आहेत.

west bengal election result 2021 : प्रशांत किशोर यांनी भाजपबाबत केलेली ‘ती’ भविष्यवाणी खरी ठरतेय?

भाजप-तृणमूल काँग्रेसमध्ये चुरशीची लढत

बंगाल विधानसभेच्या २९२ जागांसाठी निवडणूक घेण्यात आली असून, मतमोजणी सुरू आहे. आतापर्यंतचे कल बघता भाजप आणि तृणमूल काँग्रेसमध्ये चुरशीची लढत सुरू आहे. दोन्ही पक्षांनी बहुमताचा दावा केला असला तरी, काही वेळात चित्र स्पष्ट होईल. आतापर्यंत हाती आलेल्या माहितीनुसार, तृणमूल काँग्रेस आघाडीवर असून, बहुमताचा आकडा पार केला आहे. दुसरीकडे नंदीग्राम विधानसभा मतदारसंघाची जोरदार चर्चा सुरू आहे. तिथे ममता बॅनर्जी आणि सुवेंदू अधिकारी यांच्यात चुरस सुरू आहे. सुरुवातीला सुवेंदू अधिकारी यांनी आघाडी घेतली होती. मात्र, आता ममता बॅनर्जी या आघाडीवर असल्याचे कळते.

kerala assembly election 2021 result : श्रीधरन यांची ‘मेट्रो’ सुस्साट; पलक्कडमध्ये आघाडीवर