मुंबई:अनुष्का शर्मा आणि विराट कोहली यांची मुलगी वामिका सध्या प्रसिद्ध स्टार किड्सपैकी एक ठरत आहे. अनुष्का किंवा विराटनं वामिकाचा चेहरा अद्याप कोणापुढेच येऊ दिलेला नाही. पण वामिकाला पाहण्याची उत्सुकता मात्र चाहत्यांमध्ये कायम आहे. खासकरुन वामिका अनुष्का किंवा विराटपैकी कोणासारखी दिसते याची उत्सुकता चाहत्यांमध्ये पाहायला मिळत आहे. पण आता याची माहिती खुद्द विराटची बहीण भावना कोहली धिंग्रानं दिली आहे.

Video: विराटपासून दूर असलेल्या अनुष्काने शेअर केल्या त्याच्यासोबतच्या वर्षभराच्या खास आठवणी
विराट कोहलीची बहीण भावनानं नुकतंच इन्स्टाग्रामवर Ask Me Anything सेशन घेतलं होतं. यावेळी तिच्या फॉलोअर्सनी तिला अनेक प्रश्न विचारले पण यात विरुष्काच्या एका चाहत्यानं भावनाला वामिकाबद्दल प्रश्न विचारला. त्यानं लिहिलं, ‘तुम्ही वामिकाला पाहिलं आहे का? ती विराट किंवा अनुष्कापैकी कोणासारखी दिसते?’ भावनानं या चाहत्याच्या प्रश्नाचं उत्तर देताना लिहिलं, ‘हो मी वामिकाला पाहिलं आहे आणि ती एक परी आहे.’

विराटची बहीण भावनानं वामिका एका परीसारखी दिसत असल्याचं म्हटलं आहे. पण ती विराटसारखी दिसते की अनुष्कासारखी याबाबतचा सस्पेन्स मात्र तिनं कायम ठेवला आहे. त्यामुळे आता जोपर्यंत अनुष्का किंवा विराट आपल्या मुलीचा फोटो सोशल मीडियावर शेअर करेपर्यंत चाहत्यांना वाट पाहावी लागणार आहे. याशिवाय एका चाहत्यानं अनुष्का आणि भावना यांचं एकमेकांसोबतचं नातं कसं आहे असाही प्रश्न विचारला होता. त्यावर भावनानं माझ्या दोन्ही वहिनी खूप चांगल्या आहेत आणि माझं त्यांच्यावर खूप प्रेम आहे असं उत्तर दिलं.

दरम्यान काही दिवसांपूर्वी वामिका आणि अनुष्का यांना एअरपोर्टवर स्पॉट करण्यात आलं होतं. यावेळी ते दोघंही विराटसोबत इंग्लंडला निघाले होते. त्यावेळीही अनुष्कानं वामिकाचा चेहरा लपवला होता. त्यामुळे वामिकाचा चेहरा समोर येऊ शकला नाही. तसेच वामिका जोपर्यंत मोठी होत नाही तोपर्यंत तिचा कोणताही फोटो सोशल मीडियावर शेअर करणार नसल्याचं विराट अनुष्कानं स्पष्ट केलं आहे. याशिवाय सोशल मीडिया वापरणं ही तिची स्वतःची निवड असवी असं आम्हाला वाटतं असंही त्यांनी यावेळी सांगितलं होतं.

ओ तेरी…अनुष्का शर्माने असं काही केलं की विराट कोहलीही झाला शॉक, Video व्हायरल