आयआयएचटी बरगढ / वेंकटगिरी येथे प्रथम सत्राकरिता प्रवेश सूचना

मुंबई, दि. १४ : केंद्र सरकारच्या भारतीय तंत्रविज्ञान संस्थेतील २०२६-२७ या शैक्षणिक सत्राकरिता तीन वर्षीय (सहा सत्रीय) हातमाग व वस्त्रोद्योग तंत्रविज्ञान पदविका अभ्यासक्रमाच्या प्रथम सत्राकरिता महाराष्ट्र राज्यातून बरगढ (ओडीशा) करीता १३+१ (या व्यतिरिक्त वेंकटगिरी करिता २ जागा कॉन्सुलिंगच्या) घेण्याबाबत नमूद आहे. या प्रवेशासाठी पात्र उमेदवारांची निवड करण्यासाठी प्रादेशिक उपआयुक्त वस्त्रोद्योग, नागपूर/ सोलापूर/ मुंबई/ छत्रपती संभाजीनगर यांच्यामार्फत विहीत नमुन्यात प्रवेश अर्ज १० जून २०२६ पर्यंत कार्यालयीन वेळेत मागविण्यात येत आहेत.

त्याअनुषंगाने इच्छुक उमेदवारांनी परिपूर्ण अर्ज दि. १०/०६/२०२६ पर्यंत संबंधित प्रादेशिक उपआयुक्त वस्त्रोद्योग आयुक्तालयाकडे सादर करावे. प्रवेश अर्जाचा नमुना व इतर अनुषंगिक माहिती वस्त्रोद्योग आयुक्तालयाच्या  www.dirtexmah.gov.in या वेबसाईटवर उपलब्ध आहे. तसेच अर्जाचा नमुना सर्व प्रादेशिक उपआयुक्त वस्त्रोद्योग यांच्या कार्यालयातदेखील उपलब्ध आहे, असे वस्त्रोद्योग आयुक्त संजय दैने यांनी कळविले आहे.

0000