इन्स्टाग्राम रिच लिस्टमध्ये आता प्रियांका चोप्राचंही नाव, जाणून घ्या एका पोस्टसाठी किती घेते रक्कम

मुंबई– बॉलिवूडसोबत हॉलीवूडमध्येही आपल्या अभिनयाची छाप पाडणारी अभिनेत्री प्रियांका चोप्रा हिने पुन्हा एकदा हूपर इन्स्टाग्राम रिचलीस्टमध्ये स्थान मिळवलं आहे. प्रियांका सोशल मीडियावर प्रचंड सक्रिय असते. ती आपल्या चाहत्यांसोबत खासगी आयुष्यासह अनेक वैयक्तिक गोष्टीही शेअर करत असते. यासोबतच प्रियांका काही प्रोमोशनल पोस्टदेखील शेअर करत असते. इन्स्टाग्राम रिचलिस्टनुसार प्रियांका या यादीत स्थान मिळवणारी दुसरी भारतीय व्यक्ती ठरली आहे. प्रियांकासोबत या यादीत भारतीय क्रिकेटपटू विराट कोहलीच्या नावाचा देखील समावेश आहे.

‘मी खूप चिंतेत आहे’, कुशल बद्रिकेच्या पोस्टने वाढवली काळजी

इन्स्टाग्राम रिचलीस्टच्या यादीनुसार प्रियांका २७ व्या स्थानावर आहे तर विराट कोहली १९ व्या स्थानावर आहे. दरवर्षी ही यादी प्रकाशित केली जाते. यात कलाकार, खेळाडू किंवा लोकप्रिय व्यक्तिमत्व असलेल्या व्यक्तींचा समावेश असतो. इन्स्टाग्रामवर पोस्ट करण्यासाठी कोण किती मानधन घेतो, यावर ही यादी तयार केली जाते. प्रियांकाचे इन्स्टाग्रामवर ६४ मिलियन फॉलोवर्स आहेत. त्यामुळे प्रियांकाने केलेली प्रत्येक पोस्ट सोशल मीडियावर काही तासांतच वायरल होते. प्रियांका तिच्या अकाउंटवरून करत असलेल्या प्रत्येक प्रमोशनल पोस्टसाठी तब्बल ३ कोटी रुपये मानधन घेते.

मागील वर्षी प्रसिद्ध झालेल्या इन्स्टाग्राम रिचलीस्ट यादीत प्रियांका १९ व्या स्थानावर होती. त्यावेळेस ती एका पोस्टसाठी दोन कोटींचं मानधन घ्यायची. यावेळेस प्रियांकाच्या मानधनासोबत इतर व्यक्तींच्या मानधनातही वाढ झाली आहे. त्यामुळे प्रियांकाचं स्थान खाली घसरलं आहे. विराटचा देखील या यादीत समावेश आहे. विराट एका इन्स्टाग्राम पोस्टसाठी ५ कोटी रुपये मानधन घेतो. विराटाचे इन्स्टाग्रामवर १२५ मिलियन फॉलोवर्स आहेत.

वडिलांविरुद्धची न्यायलयीन लढाई हरली ब्रिटनी स्पीयर्स