उस्मानाबाद जिल्ह्यात सापडले आणखी तीन पॉजिटीव्ह

उस्मानाबाद । जिल्हा प्रतिनिधी । २६ मे : उस्मानाबाद जिल्ह्यात आणखी तीन रुग्ण कोरोना पॉजिटीव्ह सापडले आहेत. आता एकूण पॉजिटीव्ह सापडलेल्या रुग्णांची संख्या ३८ झाली आहे. पॉजिटीव्ह सापडलेल्यामध्ये उस्मानाबाद तालुक्यातील दोन आणि कळंब तालुक्यातील एकाचा समावेश आहे.

सोमवारी २५ मे रोजी लातूर येथील प्रयोगशाळेत पाठवलेल्या पैकी प्रलंबित पाच अहवालांमधून तीन व्यक्तीचे अहवाल पॉझिटिव्ह आले आहेत. यापैकी रुग्ण उस्मानाबाद शहरातील पापनाश नगर येथील रहिवासी आहे. तो मुंबई येथून प्रवास करून आलेला आहे.

दुसरा तेर येथील रहिवाशी आहे. तो पुणे येथून प्रवास करून आलेला आहे. तर तिसरा पॉझिटिव्ह रुग्ण हा कळंब तालुक्यातील शिराढोण येथील यापूर्वीच्या पॉझिटिव्ह व्यक्तीच्या संपर्कात आलेला आहे. असे डॉक्टर सतीश आदटराव व जिल्हा शल्यचिकित्सक डॉक्टर गलांडे यांनी कळविले आहे.