मुंबई– बॉलिवूड अभिनेत्री शिल्पा शेट्टी हिचा पती राज कुंद्रा याला सोमवारी रात्री अटक करण्यात आली. राजच्या अटकेनंतर शिल्पाने अचानक ‘सुपर डान्सर ४‘ चं चित्रीकरण रद्द केलं होतं. त्यानंतर वाहिनीकडून प्रदर्शित करण्यात आलेल्या प्रोमोमध्ये लोकप्रिय अभिनेत्री करिश्मा कपूर परीक्षक म्हणून दिसली. त्यामुळे शिल्पाने कार्यक्रम सोडला असल्याचा प्रेक्षकांचा समज झाला आहे. सोबतच आता शिल्पाच्या जागी करिश्माच कार्यक्रमात परीक्षकाची जबाबदारी पार पाडणार असल्याचं देखील म्हटलं जात आहे. परंतु, या सर्व बातम्या केवळ अफवा आहेत.

‘ती नसती तर..’नैराश्यात गेलेल्या दीपिकाला आईनेच सावरलं होतं

एका वृत्तवाहिनीने दिलेल्या माहितीनुसार, ‘सुपर डान्सर ४’ मध्ये शिल्पाची जागा इतर कोणतीही अभिनेत्री घेणार नाही. करिश्मा शिल्पाला रिप्लेस करणार नाही. करिश्माच्या जवळच्या व्यक्तींमधील एकाने सांगितले की, करिश्मा ‘सुपर डान्सर ४’ मध्ये केवळ पाहुणी परीक्षक म्हणून गेली आहे. वाहिनीने शिल्पाच्या जागी इतर कोणत्याही अभिनेत्रीची नेमणूक केलेली नाही. शिल्पा सोमवारी आणि मंगळवारी ‘सुपर डान्सर ४’ चं चित्रीकरण करणार होती. परंतु, सोमवारी रात्री राजला झालेल्या अटकेनंतर शिल्पाने चित्रीकरणाला न जाण्याचा निर्णय घेत चित्रीकरण रद्द केलं. यासोबतच शिल्पाने तिच्या ‘हंगामा २’ या चित्रपटाच्या प्रसिद्धीसाठी जाणंही टाळलं.

सूत्रांच्या माहितीनुसार, करिश्मा फक्त पाहुणी परीक्षक म्हणून कार्यक्रमात दिसणार आहे. यापूर्वी शिल्पाच्या संपूर्ण कुटुंबाला झालेल्या करोनामुळे शिल्पाने ‘सुपर डान्सर ४’ च्या चित्रीकरणाला नकार दिला होता. त्यावेळेस शिल्पाच्या जागी कार्यक्रमात मलायका अरोरा परीक्षक म्हणून दिसली होती.

राज कुंद्राच्या अटकेचा शिल्पाच्या ‘हंगामा २’वर होणार परिणाम?