गुजरात: २००२ मधील दंगलीतील आरोपीची हत्या, पॅरोलवर आला होता तुरुंगाबाहेर

अहमदाबाद: गुजरातमध्ये २००२ साली झालेल्या दंगलीप्रकरणी शिक्षा भोगत असलेल्या एका आरोपीची अहमदाबादमध्ये दोघा जणांनी हत्या केली आहे. पैशांच्या देवाणघेवाणीवरून वाद झाल्यानंतर ही हत्या झाल्याचे बोलले जाते. अलीकडेच हा आरोपी पॅरोलवर तुरुंगातून बाहेर आला हता.

कालू ठाकोर असे हत्या झालेल्या आरोपीचे नाव आहे. नरोदा पाटिया हिंसाचार प्रकरणात तो तुरुंगात शिक्षा भोगत होता. अलीकडेच तो पॅरोलवर तुरुंगातून बाहेर आला होता. रविवारी पैशांच्या देवाणघेवाणीवरून दोन जणांनी त्याची धारदार शस्त्राने हत्या केली. नरोदा पोलिसांच्या माहितीनुसार, या प्रकरणात दोन्ही आरोपींना ताब्यात घेण्यात आले आहे.

१६ वर्षीय मुलीची अपहरणानंतर निर्घृण हत्या, सामूहिक बलात्काराचा संशय

ही घटना कृष्णानगरच्या चौकाजवळ शनिवारी रात्री घडली. नरोदा पोलिसांनी दिलेल्या माहितीनुसार, ठाकोर आणि आरोपींचे आर्थिक व्यवहारांवरून वाद होते. हत्येच्या घटनेची माहिती मिळाल्यानंतर तात्काळ घटनास्थळी पोहोचले. त्यानंतर तपास सुरू केला. आरोपींना ताब्यात घेतले. यातील एक आरोपी अल्पवयीन आहे. कमलेश असे अन्य आरोपीचे नाव आहे.

नागपुरात विविध ठिकाणी दोन विद्यार्थिनींच्या आत्महत्या

अहमदाबादमधील नरोदा पाटिया येथे २००२मध्ये हिंसाचार झाला होता. यात अनेक निर्दोष लोकांना जीव गमवावा लागला होता. जमावात सामील असल्याचा आरोप ठाकोरवर होता. २०१८मध्ये या प्रकरणी गुजरात हायकोर्टाने १६ जणांना दोषी ठरवले होते. तर १८ जणांची निर्दोष मुक्तता केली होती. ठाकोर हा तुरुंगात शिक्षा भोगत होता. काही दिवसांपूर्वीच तो पॅरोलवर तुरुंगातून बाहेर आला होता.