नागपूर-भंडारा रोडवर भीषण अपघात; चार ठार

नागपूर: नागपूर भंडारा मार्गावर असलेल्या मौदाजवळ शनिवारी पहाटे ५.१५ च्या सुमारास रस्त्यात उभ्या असलेल्या कंटेनरला एका ट्रॅव्हल्सने जोरदार धडक दिली. या अपघातात चार जण जागीच ठार झाले तर ११ जण जखमी झाल्याचे वृत्त आहे. ही ट्रॅव्हलमधून नागपुरातून भंडारा येथे एक वरात लग्नासाठी जात होती. मौदा पोलिस स्टेशन अंतर्गत येणाºया शिंगोरी गावाजवळ ही घटना घडली. या अपघातात दोघांचा जागीच मृत्यू झाला तर दोनजण भंडारा येथील रुग्णालयात दगावले. मृतांमध्ये करुणा खोंडे, आनंद आठवले, सतीश जांभूळकर व विठाबाई झिलपे यांचा समावेश आहे.