नवी दिल्ली: देशात सलग दुसऱ्यांदा सत्ता हस्तगत करणारे आणि जगभर भ्रमंती करत ‘मन की बात’ करणारे राजकारणातील सर्वाधिक व्यग्र असलेले पंतप्रधान नरेंद्र मोदी यांची वेगळे रूप डिस्कव्हरी या प्रसिद्ध वाहिनीवर पाहायला मिळणार आहे. डिस्कव्हरी वाहिनीवर आज मॅन ‘व्हर्सेस वाइल्ड’ या कार्यक्रमात ते प्राणी संवर्धन आणि निसर्गातील बदलांवर आपले विचार मांडणार आहेत. या कार्यक्रमात प्रसिद्ध स्काउट आणि साहसवीर बेअर ग्रिल्सही मोदींसोबत दिसणार आहे.
डिस्कव्हरी वाहिनीवर दाखवण्यात येत असेलेला ‘मॅन व्हर्सेस वाइल्ड’ या कार्यक्रमाचा भाग उत्तराखंडमधील प्रसिद्ध ‘जिम कॉर्बेट’ या विस्तीर्ण नॅशलन पार्कमध्ये चित्रित करण्यात आला आहे.
अनेक वर्षे आपण डोंगरदऱ्या, पर्वते, जंगलांत म्हणजेच निसर्गाच्या सानिध्यात राहिलो असून ‘मॅन व्हर्सेस वाइल्ड’ या कार्यक्रमाद्वारे आपल्याला भारताचे नैसर्गिक वैभव जगाला दाखवण्याची संधी मिळाली आहे, अशी प्रतिक्रिया पंतप्रधान नरेंद्र मोदी यांनी या कार्यक्रमाबाबत दिली आहे. पुन्हा एकदा जंगलात बेअर ग्रिल सारख्या अमर्याद ऊर्जा असलेल्या व्यक्तीसोबत वेळ घालवणे आपल्याला खूप आवडल्याचेही ते म्हणाले.
या कार्यक्रमासाठी पंतप्रधान नरेंद्र मोदी यांनी वेळ देणे हे आमच्यासाठी मोठी सन्मानाची गोष्ट असल्याचे बेअर ग्रिल्स यांने म्हटले आहे. आपल्याला एकमेकांची गरज आहे आणि आपण एकत्र राहिलो तरच आपण सक्षमपणे टिकणाह आहोत असे निसर्गाचे सांगणे आहे असेही बेअर म्हणाला. पंतप्रधान मोदींसोबत वेळ घालवून भारताचे नेतृत्व करणाऱ्या या नेत्याबाबत मलाही जाणून घेता येणार आहे, अशा शब्दांत ग्रिल्स याने आपल्या भावना व्यक्त केल्या आहेत.
हा कार्यक्रम दिसणार १२ वाहिन्यांवर
पंतप्रधान मोदींचा हा कार्यक्रम १२ ऑगस्ट या दिवशी रात्री ९ वाजता विविध १२ डिस्कव्हरी वाहिन्यांवर प्रसारित करण्यात येणार असल्याचे जाहीर करण्यात आले आहे. हा कार्यक्रम इंग्रजी, बंगाली, हिंदी, तामिळ आणि तेलुगू भाषांमध्ये प्रसारित करण्यात येणार आहे.
खालील वाहिन्यांवर हा कार्यक्रम पाहता येणार आहे.
डिस्कव्हरी, डिस्कव्हरी एचडी वर्ल्ड, अॅनिमल प्लॅनेट, अॅनिमल प्लॅनेट एचडी वर्ल्ड, टीएलसी, टीएलसी एचडी वर्ल्ड, जीत प्राइम, जीत प्राइम एचडी, डिस्कव्हरी सायन्स, डिस्कव्हरी टर्बो, डिस्कव्हरी किड्स आणि डिस्कव्हरी एचडी वर्ल्ड.
WhatsApp