मुंबई- शिल्पा शेट्टीचा नवरा राज कुंद्राला अश्लील सिनेमांची निर्मिती करण्याप्रकरणी सोमवारी अटक करण्यात आली. ही अटक अचानक घडली असं नाही. फेब्रुवारी महिन्यात त्याच्यावर पॉर्नोग्राफी तयार करुन प्रसारित केल्याबद्दल गुन्हा दाखल करण्यात आला होता. भारतात जर एखादी व्यक्ती अशी कोणतीही कृती करताना आढळली तर त्याच्याविरूद्ध आयटी कायदा आणि आयपीसीच्या कलमांतर्गत गुन्हा दाखल केला जातो. यानंतर न्यायालय आपला निर्णय जाहीर करून संबंधिताला शिक्षा ठोठावली जाते.

सध्या राज कुंद्राला अटक करण्यात आली असून, जेव्हा त्याच्याविरोधातला न्यायालयात निकाल सुनावला जाईल तेव्हा त्याला शिक्षा होईल. जर त्याच्या विरोधात निकाल लागला तर त्याला तुरुंगवासही होऊ शकतो.

‘पॉर्न’ व्हिडीओ निर्मिती प्रकरणात नवऱ्याला अटक झाल्यानंतर शिल्पा शेट्टीनं घेतला मोठा निर्णय

पॉर्न पाहण्यात जगभरात भारत तिसऱ्या स्थानी

राज कुंद्राच्या अटकेवरून असं दिसून येतं की, भारतात पॉर्नकडे एक उद्योग म्हणून पाहिलं जात आहे. जगभरात पॉर्न इण्डस्ट्रीची उलाढाल १०० अब्ज डॉलर्सपेक्षाही जास्त आहे. भारतात कोणतीही पॉर्न इंडस्ट्री नाही पण असे असूनही हे सिनेमे बेकायदेशीरपणे पाहिले जातात.

काय आहे अँटी पॉर्नोग्राफी कायदा

गेल्या काही वर्षांत पॉर्नोग्राफीचा व्यवसाय प्रचंड वाढला आहे. यात लैंगिक कृत्यावर आधारित फोटो, व्हिडिओ, ऑडिओ आणि संदेश समाविष्ट असतात. इलेक्ट्रॉनिक पद्धतीने अशा गोष्टी प्रकाशित करणे किंवा पाठवण्यावर अँटी-पॉर्नोग्राफी कायदा लागू होतो.

राज कुंद्राच्या व्हॉट्सअप चॅटवरून झाले धक्कादायक खुलासे

होते कठोर शिक्षा

भारतात जर एखादी व्यक्ती या कायद्यांतर्गत दोषी सिद्ध होते तर आयटी कायद्यासह त्याच्यावर आयपीसीचे इतर कलमदेखील लावले जातात. भारताच्या आयटी कायद्यातसुद्धा दुरुस्ती करण्यात आली आहे जेणेकरून अशा गुन्हेगारांना कठोर शिक्षा होऊ शकेल.

ही शिक्षा असू शकते

इतरांचे अश्लील व्हिडिओ तयार करणार्‍यांना आयटी कायदा २००८ च्या कलम ६७ अ आणि आयपीसी कलम २९२, २९३, २९४, ५००, ५०६, ५०८ अंतर्गत शिक्षा होते. गुन्हा लक्षात घेऊन पहिली शिक्षा ५ वर्षांचा तुरुंगवास किंवा १० लाख रुपयांपर्यंतचा दंड आकारला जातो. तिच चीक पुन्हा केल्यास शिक्षा वाढवली जाते.

अशा पद्धतीनं राज कुंद्रा करायचा पॉर्न फिल्मचा गोरखधंदा

पॉर्नोग्राफी पाहणे हा गुन्हा नाही

ज्या व्यक्ती अश्लील व्हिडिओ तयार करतात किंवा एमएमएस बनवतात आणि इलेक्ट्रॉनिक माध्यमांद्वारे ते इतरांपर्यंत प्रसारित करतात त्यांच्यावर आयटी आणि आयपीसीचे नियम लावले जातात. परंतु पॉर्नोग्राफी पाहणे, वाचणे किंवा ऐकणे हा आपल्या देशात गुन्हा नाही.