बांधकाम कामगारांची नोंदणी, नूतनीकरण प्रक्रिया गतिमान करून प्रलंबित अर्ज निकाली काढा – मंत्री ॲड. आकाश फुंडकर – महासंवाद

मुंबई, दि. ७ : बांधकाम कामगारांची नोंदणी व नूतनीकरण प्रक्रिया गतिमान करून प्रलंबित अर्जांचा निपटारा करावा, असे निर्देश कामगार मंत्री ॲड. आकाश फुंडकर यांनी दिले. कामगार आयुक्त कार्यालयात आयोजित बैठकीत कामगार मंत्री ॲड. फुंडकर यांनी बांधकाम कामगारांची प्रलंबित नोंदणी, नूतनीकरण व लाभविषयक प्रकरणांचा तसेच जुने दिव्यांग लाभ, मयत लाभ वाटप आणि त्यासंबंधीच्या चौकशी अहवालाबाबत आढावा घेतला.

यावेळी अपर मुख्य सचिव आय. ए. कुंदन, महाराष्ट्र बांधकाम व इतर कामगार कल्याणकारी मंडळाचे मुख्य कार्यकारी अधिकारी विवेक कुंभार, उपसचिव दीपक पोकळे उपस्थित होते.

००००

निलेश तायडे/विसंअ