मुंबई : बॉलिवूड आणि हॉलिवूडमध्ये आपल्या अभिनयाने स्वतःचे स्थान निर्माण करणारी अभिनेत्री म्हणून प्रियांका चोप्रा ओळखली जाते. अलिकडेच प्रियांकाने तिचा ३९ वा वाढदिवस लंडनमध्ये साजरा केला. प्रियांकाच्या वाढदिवसाला तिचा नवरा निक जोनास तिच्यासोबत नव्हता. लॉस ऐंजिलिस मध्ये असूनही निकने त्याच्या लाडक्या बायकोचा वाढदिवस संस्मरणीय करण्यात कोणतीच कसर ठेवली नाही. निकने त्याच्या बायकोला तिच्या वाढदिवसाची भेटवस्तू म्हणून अतिशय दुर्मिळ आणि महागडी वाईनची बॉटल दिली आहे. प्रियांकाने तिच्या इन्स्टाग्राम स्टोरीवर या वाईनच्या बॉटलचा फोटो शेअर केला आहे.

प्रियांकाने तिच्या इन्स्टाग्रामच्या स्टोरीवर शेअर केलेल्या या फोटोमध्ये या बॉटलवर Chateau Mouton Rothschild 1982 असे लिहिले आहे. हा फोटो शेअर करताना प्रियांकाने निक जोनासलाही टॅग करत हार्टचा इमोजी ठेवला आहे. तसेच ही स्पेशल ट्रीट लाडक्या नव-याने पाठवल्याचे तिने इमोजींमधून दाखवले आहे. याशिवाय निकने प्रियांकाच्या वाढदिवसानिमित्ताने तिचे खास फोटो शेअर करत तिच्यासाठी खास नोट देखील लिहिली आहे. त्याने लिहिले आहे, ‘ वाढदिवसाच्या खूप सा-या शुभेच्छा दोस्ता… तुला जगातील सर्व सुखांवर, आनंदावर तुझाच हक्क आहे. आज आणि कायमच मी तुझ्यावर प्रेम करत राहणार आहे….’ ही नोट लिहित आणि तिला रोमँटिक अशी भेटवस्तू देत निकने त्याच्या बायकोचा वाढदिवस एकदम स्पेशल केला.

https://www.instagram.com/p/CRemcu5DhAg/?utm_source=ig_web_copy_link

लाखमोलाची वाईन
निकने प्रियांकाला तिच्या वाढदिवसानिमित्ताने जी दुर्मिळ वाईन भेट म्हणून दिली आहे. या वाईनची किंमत ऐकून तुम्हांला ही आश्चर्याचा धक्का बसेल… कारण या वाईनची किंमत थोडी थोडकी नाही तर चक्क १३ लाख रुपये इतकी आहे! या वाईनचे उत्पादन Merlot, Cabernet Sauvignon आणि Cabernet Franc मध्ये घेतले जाते. निकने प्रियांकाला Chateau Mouton Rothschild 1982 या वाईनची ७५० मिलीची बॉटल भेटीदाखल दिली आहे. त्याची किंमत १३१,३७५ रुपयांची आहे…

दरम्यान, निकने प्रियांकाला दिलेली ही पहिलीच महागडी भेटवस्तू नाही. तर याआधी देखील अनेकदा अशा महागड्या भेटवस्तू दिल्या आहे. इतकेच नाही तर प्रियांकासाठी साखरपुड्याची अंगठी खरेदी करण्यासाठी निकने Tiffany’s चे संपूर्ण दुकानच बंद करायला सांगितल्याची चर्चा तेव्हा होती…

प्रियांकाच्या कामाबद्दल सांगायचे तर सध्या तिचे वास्तव्य लंडनमध्ये आहे. तिथे ती ‘Citadel’ या वेबसीरिजचे चित्रीकरण करत आहे. त्याशिवाय तिच्याकडे ‘टेक्सट फॉर यू’ आणि ‘मैट्रिक्स ४’ यामध्ये प्रमुख भूमिकेत दिसणार आहे.