मुंबई : अभिनेत्री शिल्पा शेट्टी सध्या अतिशय कठीण परिस्थितीमधून जात आहे. तिच्या नवऱ्याला राज कुंद्रा याला पॉर्नोग्राफी प्रकरणी पोलिसांनी अटक केली असून सध्या तो पोलीस कोठडीत आहे. इतकेच नाही तर याप्रकरणी पोलिसांनी शुक्रवारी रात्री शिल्पाचीदेखील सुमारे सहा ते सात तास चौकशी केली. या सगळ्यात शिल्पाचा पुनरागमन असलेला ‘हंगामा २’ हा सिनेमा रिलीज झाला होता. या सिनेमासाठी शिल्पा खूपच उत्साहित आणि आनंदित होती. परंतु नवऱ्याला अटक झाल्यामुळे सगळी परिस्थिती अमूलाग्र बदलून गेली.

Film मध्ये काय फरक असतो, यातच अडकली आहे राज कुंद्राची Pornography Case

शिल्पा शेट्टी अतिशय कठीण प्रसंगामधून जात आहे. अशा या खडतर परिस्थितीमध्ये शिल्पाची बहिण शमिता शेट्टी तिच्यासोबत आहे. शिल्पाला धीर देण्यासाठी शमिताने सोशल मीडियावर एक खास पोस्ट लिहिली. या पोस्टसोबत शिल्पाच्या ‘हंगामा २’ या सिनेमाचे पोस्टरही शेअर केले आहे. शमिताने लिहिले की, ‘ हंगामा २ साठी खूप साऱ्या शुभेच्छा मुंकी… मला माहिती आहे या सिनेमासाठी तू खूप मेहनत घेतली होतीस. तुझ्यासोबत या सिनेमाच्या संपूर्ण टीमने अथक परिश्रम घेतले आहेत. तुला खूप सारे प्रेम आणि मी तुझ्यासोबत कायम आहे. तू आयुष्यात अनेक चढ-उतार पाहिले आहेस. या सगळ्या अनुभवांमुळे तू खूप कणखर झाली आहेस. हा कठीण काळसुद्धा जाईल, विश्वास ठेव. हंगामा २ च्या संपूर्ण टीमला ऑल द बेस्ट.’

राजच्या अटकेमुळे शिल्पाच्या सिनेमावर परिणाम?

अश्लिल व्हिडिओंची निर्मिती आणि ते इंटरनेटवर अपलोड केल्या प्रकरणात राज कुंद्रा हा प्रमुख सुत्रधार असल्याचं पोलिसांचं म्हणणं आहे. या प्रकरणी राजला मुंबई क्राईम ब्रांचने सोमवारी रात्री अटक केली आहे. राज २७ जुलैपर्यंत पोलीस कोठडीत असून त्याची चौकशी सुरू आहे. या सगळ्या गोष्टींचा शिल्पा पुनरागमन करत असलेल्या ‘हंगामा २’ या सिनेमावर विपरीत परिणाम होणार का अशी चर्चा सुरू आहे.

तीन व्हॉट्सअ‍ॅप ग्रुपमधून राज कुंद्रा चालवत होता पॉर्न फिल्मचा बिझनेस, असं केलं जायचं काम

या सिनेमाचे निर्मिते रतन जैन यांनी एका मुलाखतीमध्ये सांगितेलं की, ‘ या प्रकरणाचा हंगामा २ शी काय घेणे-देणे आहे? शिल्पाच्या नवऱ्यावर केस सुरू आहे. तिच्यावर नाही ना. ती या सिनेमातली अभिनेत्री आहे. तिने या सिनेमासाठी खूप मेहनत घेतली आहे. तिचे नाव या प्रकरणात निष्कारण गोवले जात आहे, ही गोष्ट अतिशय वाईट आहे. वास्तविक तिचे या गोष्टीशी काहीही देणेघेणे नाही.’

ते पुढे म्हणाले, ‘आम्ही एक उत्तम सिनेमाची निर्मिती केली आहे. प्रेक्षक हा सिनेमा शिल्पा शेट्टीची कॉन्ट्रोव्हर्सी म्हणून नाही तर या सिनेमातील कंटेन्टमुळे बघणार आहेत. सध्याच्या परिस्थितीमध्ये या प्रकरणाचा सिनेमावर काहीही परिणाम होणार नाही.’

१४ वर्षानंतर शिल्पाचे पुनरागमन

दरम्यान, ‘हंगामा २’ या सिनेमातून शिल्पा शेट्टी १४ वर्षांच्या प्रदीर्घ कालखंडानंतर मोठ्या पडद्यावर पुनरागमन करत आहे. या सिनेमासाठी शिल्पा खूपच उत्साहित होती. सातत्याने ती या सिनेमाबद्दल बोलतही होती. एका मुलाखतीमध्ये तिने सांगितले होते की, या सिनेमाची कथा ही खूप वेगळी आहे, त्यामुळे हा सिनेमा प्रेक्षकांना नक्कीच आवडेल.