मुंबई: नव्वदच्या काळातली सुपरहिट जोडी म्हणजे अभिनेत्री रविना टंडन आणि अभिनेता गोविंदा. या जोडीने अनेक लोकप्रिय चित्रपटांमधून प्रेक्षकांचं मनोरंजन केलं आहे. १५ वर्षांपूर्वी ही जोडी ‘सँडविच‘ या सिनेमात एकत्र दिसली होती. त्यानंतर दोघांनी वेगवेगळे सिनेमे, कार्यक्रम या माध्यमातून त्यांची दुसरी इनिंग सुरू ठेवली होती. पण दोघांनी एकत्र पुन्हा कधीच काम केलेलं दिसलं नाही.

आता मात्र ही जोडी परत एकदा स्क्रीन शेअर करताना दिसणार आहे. रविनानं सोशल मीडियावर त्यांचा फोटो शेअर केला आहे. ‘द ग्रँड रियुनियन.. पुन्हा एकदा स्क्रीनवर धमाका करण्यासाठी एकत्र येत आहोत. काय, कुठे आणि कधी? हे लवकरच कळेल.’ अशी कॅप्शन देत तिनं फोटो शेअर केला आहे.
प्रकृती बिघडल्याने ‘साथ निभाना साथिया’ फेम अभिनेत्री रुपल पटेल यांना केलं अॅडमिट

रविनाच्या या फोटोवर नेटकऱ्यांनी भरपूर प्रतिक्रिया दिल्या आहेत. तसंच त्या दोघांना एकत्र बघण्यास त्यांचे चाहते उत्सुक असल्याचं त्यांनी प्रतिक्रियांमध्ये म्हटलंय.