रेल्वे रूळ ओलांडताना 2 विद्यार्थीनींचा दुर्दैवी अंत

बेळगाव :खानापूर येथील दोन कॉलेज विद्यार्थीनींचा रेल्वे लाईन ओलांडताना दूर्देवी मृत्यू झाल्याची घटना काल सायंकाळी घडली आहे. खानापूर तालुक्याच्या सीमेवरील शेवटच्या दूर्गम पुर गावातील महाविद्यालयीन विद्यार्थीनी अळनावरजवळील एका शासकीय महाविद्यालयात शिकत होत्या. कॉलेजचा निरोप समारंभ संपवून नेहमीप्रमाणे घरी परत येत असताना हा अपघात झाला.

सायंकाळी 5.30 च्या सुमारास वाजता 18 वर्षीय कलावती मंजुनाथ भोबाटी व निकीता पाटील या दोघींचा मृत्यू झाल्याची प्राथमिक माहिती मिळाली आहे. रेल्वे पुल ओलांडताना अचानक रेल्वे आल्याने ही घटना घडली. कलावतीचा जागीच मृत्यु झाला तर निकीताचा उपचारादरम्यान मृत्यू झाला. याबाबत अळनावर व रेल्वे पोलिस विभागात गुन्हा दाखल करण्यात आला आहे.