हायलाइट्स:
- मुंबईत पार्किंगमध्ये खड्डा पडून कार बुडाल्याने खळबळ.
- कार बुडत असल्याचा व्हिडिओ सोशल मीडियात व्हायरल.
- घटनेशी कोणताही संबंध नसल्याचे पालिकेने केले स्पष्ट.
वाचा: धक्कादायक! घरासमोर उभी केलेली कार काही सेकंदात जागीच बुडाली
पार्किंकमध्ये जिथे ही कार उभी आहे तिथे अचानक एक खड्डा तयार होतो आणि त्यातील पाण्यात काही सेकंदात या कारला जलसमाधी मिळते, अशाप्रकारचा व्हिडिओ सोशल मीडियावर व्हायरल झाला आहे. याबाबत मुंबई महानगरपालिका आपत्कालीन व्यवस्थापन खात्याकडून अधिक माहिती देण्यात आली आहे व या घटनेशी महापालिकेचा कोणताही संबंध नसून ही एका खासगी सोसायटीतील घटना असल्याचे स्पष्ट करण्यात आले आहे.
वाचा:लसीकरण झालेल्या वारकऱ्यांनाच पंढरपुरात प्रवेश?; नगराध्यक्षा म्हणाल्या…
घाटकोपर पश्चिम परिसरातील एका खासगी सोसायटीत आज सकाळी ही घटना आहे. या सोसायटीच्या आवारात एक विहीर आहे. या विहिरीच्या अर्ध्या भागावर ‘आरसीसी’ करून ती विहीर झाकण्यात आली होती. त्या ‘आरसीसी’ केलेल्या भागावर सोसायटीतील रहिवाशी ‘कार पार्क’ करीत असत. हाच ‘आरसीसी’ चा भाग खचून त्यावर ‘पार्क’ केलेली एक कार पाण्यात बुडाली, अशी प्राथमिक माहिती मिळाली आहे. सदर कारमध्ये कोणीही नसल्याने घटनेत कोणतीही मनुष्यहानी झालेली नाही, तसेच कोणीही जखमी झालेले नाही, असे आपत्कालीन व्यवस्थापन विभागाने म्हटले आहे.
वाचा: राज्यात पुन्हा कठोर निर्बंध?; आठ दिवसांनंतर सरकार घेणार मोठा निर्णय
या दुर्घटनेनंतर महापालिकेच्या संबंधित विभाग कार्यालयाद्वारे पाणी उपसण्याच्या कामाचे समन्वयन करण्यात येत आहे. तसेच सदर ठिकाणी सुरक्षेच्या दृष्टीने आवश्यक ती उपाय योजना तातडीने करण्यास संबंधित सोसायटीला सूचित करण्यात आले आहे. घाटकोपर पोलीस ठाण्याचे अधिकारी व कर्मचारी देखील सदर घटनास्थळी हजर आहेत, असेही पालिकेकडून स्पष्ट करण्यात आले आहे.
दरम्यान, भाजप नेते किरीट सोमय्या यांनी या घटनेचा संबंध मुंबई महापालिकेच्या नालेसफाईशी जोडत निशाणा साधला आहे. हीच का मुंबई महापालिकेची नालेसफाई?, असा सवाल या निमित्ताने सोमय्या यांनी केला आहे.
स्लॅब खचल्याने कार पडली विहिरीत, घटना कॅमेऱ्यात कैद
वाचा: मोदींना भेटण्यास मी इच्छूक होतो, पण…; काँग्रेसच्या मंत्र्याची ‘मन की बात’