भंडारा, दि.२८: प्रादेशिक परिवहन कार्यालयाच्या नवीन इमारतीला सार्वजनिक बांधकाम मंत्री शिवेंद्रराजे भोसले यांनी आज भेट देऊन इमारत बांधकामाची पाहणी केली. यावेळी त्यांनी इमारतीतील विविध सुविधांची तसेच कार्यालयीन व्यवस्थेची माहिती जाणून घेतली.
इमारत बांधकामासोबत रस्ते, संरक्षण भिंत, बोअरवेल, जमीन विकास, पाणीपुरवठा व स्वच्छता व्यवस्था आदी मूलभूत सुविधांची माहिती त्यांनी घेतली. तसेच केव्हीए जनरेटर, अग्निशामक यंत्रणा, बाहेरील परिसरातील रोषणाई, वातानुकूलन यंत्रणा, सौर ऊर्जा, ट्रान्सफॉर्मर आणि सीसीटीव्ही यांसारख्या सुविधांचाही यामध्ये समावेश आहे.
मंत्री शिवेंद्रराजे भोसले यांनी इमारतीची पाहणी करून बांधकामाचा दर्जा, उपलब्ध सुविधा आणि कार्यालयाच्या कार्यक्षमतेबाबत संबंधित अधिकाऱ्यांकडून माहिती घेतली. नागरिकांना अधिक चांगल्या आणि सुलभ परिवहन सेवा उपलब्ध करून देण्यासाठी आवश्यक त्या सुविधा सक्षम करण्याच्या दृष्टीने त्यांनी उपस्थितांना मार्गदर्शन केले.
००००
WhatsApp